عالم البنات النسائي كل ما يخص المرأة العربية من ازياء وجمال والحياة الزوجية والمطبخ
مرحبا فراشاتي ..
آآآه والله مالي غيركم بعد الله اشكيله همي ..
الحمدلله ولدت بالسلامه وجبت ولد ولي 20 يوم وعندي بنت صغيره بعد وانا الان في بيت اهلي مشكلتي هى زوجي ونفسيتي التعبانه من ولدت يجيني تقريبا كل يوم نص ساعه بس كنه مغصوب ومشكلتي ان بنتي الصغيره(سنه و4شهور) ياخذها بين فتره وفتره يوديها بيت اهله ومايجيبها الا بطلعت الروح واذا ماكانت عندي مايجي تعبت معاه يقول ابيها عند امي واتتي خلك مع ولدك مشغوله وانا نفسيتي تعبانه من بعد بنتي .. ومشكلتي الثانيه هي روحته للبحرين تقريبا يوميا احاول اطنش لاني في بيت اهلي بس صارت روحاته على حساب احتياجاتي يعنى مايجي لانه رايح مايجيبلي بنتي لانه رايح وكذا ..
ومشكلتي الاكبر هي اسلوبي معاه ماادري كيف اتصرف معاه ان كلمته بصراخ وعصبيه وهذا مش طبعي يزعل وينرفز ولا يسويلي اللي ابيه ويعاند مثلا يقولي ماني جايب لك بنتك او مره قالي بجيبها بس لاعاد تساليني وينك ماسالت او اتبع معه اسلوب الهدوء والتطنيش والليونه والترجي وااحيان استحقر نفسي لاني احس ان هذا ضعف تعبت والله تعبت .
دلوني وش اسوي وكيف اتعامل معاه ومع روحاته للبحرين ومع اسلوبه واسلوبي الضعيف دايما يقول لي حتى قدام اخواني اني هاديه واني مااتحرش بااحد ماادري هل هذا مدح ولا طنازه والله تعبت وانا مالي معاه الا سنتين و9شهور ..
اسفه عالاطاله بس والله من قهري وخايفه من الزعل واكتئاب النفاس ..
تحياتي
