عالم البنات النسائي كل ما يخص المرأة العربية من ازياء وجمال والحياة الزوجية والمطبخ
دلعي زوجك ……….
هلا بنات لقيت هالموضوع وان شاء الله مايكون مكرر بس حبيبت انقله لكم …………
دلعــــــي زوجــــــــك
السلام عليكم حبايبي
ومساء الورد والفل والياسمين والكادى والجوري والبخور واغلى انواع العطور
امممممممممممممممممممممممممم
عزيزتي الزوجه :
تدليعك لزوجك موتنكدين عليه ؟ http://forum.hawaaworld.com/images/smilies1/smile05.gif
الزوج ياعزيزتي كل اللى محتاجه انه يكون مرتاح في بيته
بعد مايجي من عمله تعبان ومرهق تكوني جهزتي له حمام عشان يتروش ويروق
وبعدها يكون غداه جاهز ومرتب وبعدها ينام له شوي
صدقيني راح يقوم واهو مفرفش واطلبي منه اللى تبين ساعتها
مو زي اغلب الحريم ياكافي http://forum.hawaaworld.com/images/smilies1/smile22.gif
يجي زوجها واهي تشاخر فى سبعين نومه ملت بطنها من فضل ربي وحطت راسها
وتلاقين كرشة الوحده وش كبرها اكل وتسدح
ويقولون ليش رجالنا مايهتمون بنا
نعنبو بليستس انتي واهي خففو هاالكروش الوحده تسنها حامل باالتاسع من كبر بطنها
الحين فيه انديه للتخسيس يخلون جسمتس كنه دله ويرسمونه لتس رسم
امشى وتحركي اذا ماتبين تشتركين او ماعندتس فلوس
شوارعنا وش كثرهن وطولهن لو تمشين كل يوم كيلو نزل وزنتس كيلو
بس الله يهديكن ذبحكن العجز مع ان اغلبكن عندهن شغالات وعندهن فراغ بس مااستغلنه بشي ينفعهن
قصي شعرتس واصبغيه كل شهرين او ثلاثهhttp://forum.hawaaworld.com/images/smilies1/smile03.gif
غيري بشكلتس الرجال يحبون هاالحركات ترى
مهوب عذر شغل البيت ترى كله حبة رز ومعها ملوخيه ولا سلطه واجدعي المواعين على الشغاله
وتفرغي لزوجتس
روشيه وحلقي شعره ترى مهوب عيب وفخر والله له ولتس بعد
اما انه يجي للبيت ويشوف عليتس قميص لتس اسبوع ماغيرتيه وشلون تبينه يهتم بتس ؟
البسي له سترتش ولا بنطلون جنز ( هبلي فيه ) وخلي ريحتس دايم حلوه كنها ريحة طفل http://forum.hawaaworld.com/images/smilies1/smile49.gif
غيري ترتيب البيت
الاثاث غيري مكانه مكانه حوض السمك والكنبات واشجار الزينه غيريه
ترى الحركات هذى تبسط الزوج ويكون اقرب فيها لزوجته
راعي مشاعره وظروفه الماديه مهوب اذا صار نص الشهر وطفر الرجال
قلتي ابي فلوس ولا ودنى للسوق
خلي عندتس اتيكيت بطريقة وضع وترتيب سفرة الاكل
جمليها مهوب تحطين سماط وفوقه صحن ولبن كننا فى مطعم على طريق القصيم
غيري الاكل وكثرى السلطات ترى الرجال يحبونها ويحبون المفاجأت باالاكل والعصيرات وغيره
فى غرفة النوم قبل لاتنامون حاولي تقرين قصه انتى وياه وعيشو احداثها ويفضل القصص الرومانسيه
وانتي تكلمينه العبي بشعره ودلعيه
اليوم شكلك يجنن
ياحلو ريحتك حبيبي
يازين الرجال انت احبك
اليوم مشتاااقه لك مووووت
وهو فى عمله ارسلي له مسج قولي له احبك ياابو فلان ولا ياحبيبي
انتظرك حياتي على الغداء لاتتأخر علي مجهزه لك اكله تهبل
اشياء في نظر البعض بسيطه بس تعنى للرجل الرومانسي الكثير
عكس الجلف المهمل لنفسه ماراح يهتم لاشياء زي كذا ولكن انا ماحطيتها
الالجل تحافظين على رجلك وبيتك
مع تحياتي …………….
