عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
كيفكم اخباركم
اليوم عندي موضوع وحابه نتناقش فيه
ونشوف حلول وتجارب
..
اكيد انتم ياما سمعتو من تجريح من الناس
مره ليه ماتزوجتي ومره يطالعونك بنظرات حزن وشفقه
حتى تحسين ان نفسك مالك داعي او انك تبغين تبكين وانتي ماسكه نفسك
او ان المتزوجات واصغر منك بسنين وعندهم عيال يصيروون يخافوون منك ومن هالقابيل
انا مثلكم تراه
انا عمري 33 سنه
تخيلو يا بنات قطعت علاقتي بقرايبي لهذا السبب
لاني اشوف منهم هذي الاشياء
اخرها موقفين
موقف من خالتي وزواج بنتها اللي اصغر مني 12 سنه
اخفت خطبت بنتها وملكتها و زواجها عن امي والسبب انا
وذكرت الموضوع سابقا بالقسم بالتفصيل ,,,
و زوجت خالي وبناتها الي اصغر مني بـ 10 و 9 سنين
صارو يخافون مني كل ماجيت ازور واسلم على خالي
لاني احيانا اشوفهم ويكون نهايه الاسبوع يصيرون مجتمعين عند اهلهم
اخر مره مازرتهم راحت امي لحالها وكانو بنات خالي واطفالهم
متخفين بغرفه ويطلوون وماسكين
عيالهم عشان مايطلعوون صوت ولما دخلت امي بالمجلس طلعو يركضووون
بسرعه غريبه وكانهم خايفين من حرااامي
امي استغربت الوضع وشافتهم وش عندهم يركضون بهذي السرعه ومع اطفالهم
قالت زوجت خالي عندهم موعد وراحو بسرعه ➡
اي موعد واي بطيخ المهم امي فهمت انه مني وقالت اذا هذا اسلوبهم
فانتي معذوره انك ماتروحين
انا ماودي اقطع بقرايبي بس ايش اسوي
هم يخافون مني لاني عانس
ياليت نتناقش بعقول هؤلا الجهلاء وكيفيه التعامل معهم
