دعواتكم لي يااعز خوات

خواتي العزيزات ابغى دعواتكم لي فانا لي اكثر من 3 سنوات اتخبط بين مواعيد الحمل ومن موعد لموعد

اخذت اربع شهور كلوميد وبالاخير قالي الدكتور انتي استجابتك صفر للحبوب لازم نروح عالابر

رحنا عالابر وسويت اربع شهور ثانيه وابر تفجيريه وسمنت كثير وكل يهون واقول بعد الولاده بسوي دايت وانحف

كمان قالوا لي انتي يالله يالله تتنشط معك البويضات ويادوب توصل لل 16 😀 وكمان وحده بس احسن شي نجرب حقن مجهري

جربته واخيرا حملت وتحقق حلمي وفرحوا كل اهلي واول مانتشر الخبر والناس لسي تتصل بامي وتبارك لها اجهضت باول الاسبوع السادس 😆 hy:

تحمست كثير اجربه مره ثانيه ولكن لمن فكوا التجميد عن اجنتي ال 5 كلهم خربوا وتكنسلت العمليه

وبعدين قلت بسوي ثاني عمليه فرش واجنه فرش ولكن ماصار في بويضات للسحب كلهم صغار بالمره وتكنسلت العمليه 😆 🙂

وبعدها قلت لازم ادور حل ثاني بويضاتي جدا ضعيفه وكل هالابر خرمت جسمي ومو راضيه تكبر

قالي الدكتور عن تجربه انه يكبر البويضات بالمختبر وعلى طووووووووول وافقت لانه بنتهي من عذاب انه البويضات ماتكبر او اللي يكبر عددها قليل مره

وعملت العمليه برمضان والحمدلله حللت يوم 25 رمضان وكان يوم كله بركه وخير وطلعت حامل وتحليل الدم كان مرتفع وتفائلت بحمل توآم وقلت ربي عوض صبري خير

لكن النزيف ماتركني بحالي و قرر الدكتور اعيد التحليل ولقاه نزل 200 وحده وطلب اعادته مره ثانيه ورجع ارتفع 200 وحده

شك الدكتور انه حمل خارج الرحم فسويت التراساوند مهبلي والحمدلله الكيس جوة الرحم فرحت كثير لمن قالت لي الفنيه اللي سوت الاشعه انه الكيس جوه

قابلت الدكتور قال فيه كيس بس مافي جنين باين وانتي بالاسبوع السادس 😆

ننتظر اسبوع ونشوف ولكن احتمال يظهر جنين هو ((1 ٪)) وبعطيك الامل بالواحد بالميه وبنتظرك الاسبوع الجاي اللي هو بكرا واذا مافي جنين لازم تجهضي الحمل

انا قلت لكم قصتي كلها لاني ابي دعوات من اخوات مارين بنفس معاناتي من تنشيط وعمليات والله وحده العالم بالامهم ويمكن اضرارهم على المدى البعيد علينا لكن املنا الوحيد هو الله اللي راح يجبر بخواطرنا و يرزقنا باطفال سليمين معافين حتى لو كان على حساب صحتنا

بكره موعدي وانا ميته خوف ومرعوبه مااقدر انام ولا افكر ولا اسوي شي قلت افضفضلكم تواسوني وتدعون لي فانتم اكثر من الاخوات والاقارب اللي مانقدر نقولهم حرف