عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلآم عليكم ورحمة الله وبركاته
اسعد الله اوقاتكم بكل خير
درس استفدت منه من احد المنتديات ونقلته لكم وان شاء الله تستفيدون منه مثل ما استفدت منه ..
كيف اضبط الاعدادات اليدويه ?
في هالدرس بنتعلم كيف نضبط الاعدادات اليدوية للصوره . والاعدادات اعني بها الحساسية ISO وسرعة الغالق Shutter speed وفتحة العدسة Aperture اللي يرمز لها f وتوازن البياض او اللي نسميه white balance واللي يرمز له WB .
قبل هذا كله لازم نتعرف على الكاميرا نفسها و الافضل اننا دائما نحفظ كتيب الكاميرا في مكان يسهل الوصول له لاننا بنرجع له حتما .
حددت كل شركة مصنعه كاميراتها بصفات ميزتها عن كاميرات الشركات الاخرى، وطبعا لا نستطيع ان نتكلم عن كل الكاميرات والموديلات، لكن حاولت اني أغطي اكثر ثلاثة انواع من كل شركه : كاميرات الهواه و الكاميرات الشبه الاحترافيه والكاميرات الاحترافيه .
وبارجع اذكركم اني مو اللي مسميتهم او مصنفتهم ، الشركات المصنعه هي اللي مصنفتهم 😆 🙂
وباتكلم عن كاميرات من انتاج الشركتين الرائدتين كانون ونيكون
طبعا مو انحياز ، لكن لانها الاكثر انتشارا بين المصورين وهواة التصوير ” الرقمي ” ، ولأني جربت الشركتين شخصيا .
مثل ما ذكرنا ان كل شركه لها فئات مختلفه : كاميرات هواه وكاميرات شبه احترافيه وكاميرت احترافيه .
وكل فئة فيها موديلات واصدارات مختلفه وقد تختلف طريقة ضبط الاعدادات
اليدويه manual من موديل عن اللي قبله او اللي بعده اختلاف بسيط ، ولكن الاختلاف الاكبر بيكون بين كل فئه والاخرى : بمعنى طريقة ضبط اعدادات كانون 450 يشابه 550 لكن باختلافات بسيطه لانها اصلا امتداد لها .لكن قد يكون فيه اختلاف بين طريقة ضبط 50 و 550 … مع ان الغالب في كاميرات كانون التشابه في ضبط الاعدادات واعني تشابه وليس تطابق 💡
…
الاعدادات اليدويه تعني : اننا اللي بنتحكم تحكم تام بالاعدادات والكاميرا ماراح تسوي عنا شي ابدا.
قبل خلونا نلقي نظره على فتحة العدسة وسرعة الغالق ، ايش يعني فتحة عدسة وايش يعني سرعة غالق ؟
الغالق هو نظام اوتوماتيكي يتحكم بالمده اللي يدخل بها الضوء ، اما فتحة العدسة فتتحكم بالكمية اللي يدخل بها الضوء .
ولتوضيح فتحة العدسة اكثر ، خلونا نشوف هالصوره :
الصوره هذي تقريبيه وليست دقيقه تماما خصوصا في الفتحة الاكبر 1.4
مثل ماهو موضح في الصوره كلما كبر الرقم صغرت فتحة العدسة وكلما صغرت فتحة العدسه معناتها كمية الضوء اللي بتدخل بتكون اقل ، لذلك يلزمنا سرعة غالق مناسبه عشان نسمح للكمية الضوء هذي انها تدخل .
يتبع
