دخيلكم عطوني حل شو أسوي ولدي بيضيع مني !!!!

ولدي حسيت انه الدنيا تدور فيني ماعرفت شو أسوي والله أني يلست منصدمه ومقهوره من الخاطر ..

السالفة يا جماعة الخير أنا عندي ولدي سواف عمره سنتين وأنا هالفترة رديت أدرس ف الكلية ودوامي

من الساعة 8 الصبح لين 3ونص العصر وطبعاً فالفترة اللي انا أكون فيها فالكلية الخدامه هي اللي

تيلس عنده وتهتم فيه وهي حليلها وايد زينة وتحبه بس مادري أحسه استوى متعلق فيها أكثر عني مع

أني والله من أرد البيت ما خليه يقعد عندها وأيلس العب وياه واحضنه واقوله أنت حبيب ماما وأنت

البيبي مالي ومن هالكلام بس البارحة يوم كنت ببدله ملابسه عسب يرقد يلس يصيح وويزقر الخدامه

ويقولي ابغي يالا اللي هي الخدامه ويصيح بشكل مب طبيعي طبعا هي كانت واقفه وياي وهو يدزني

ويبغي يسير عندها يوم راح عندها هي خذته عندها وتمت شالتنه لنه يصيح تبغي تسكته لنه يصيح

عاد انا يوم شفت هالموقف تنرفزت وااايد وسرت وخذته عنها وطلعت عن الحجره وسرت وياه

الحجره الثانية وسكرت الباب وهو بعده يصيح ويصارخ ويقول يالا ويدزني ويضربني وانا أقوله

حبيبي أنا ماما يالا محد يالا بتسافر لنها هي صدق عقب شهر بتسافر وهو يوم يسمعني أقوله جيه

يصيح أكثر والله يلست أصيح وأنا اسمعه يصيح عليها قلت ياربي شو صارله ليش جيه يسوي والله

أني مب عارفه كيف اتصرف وياه تعبت من اللي صار البارحه يلست أفكر أني أطلع من الكلية عسب

اقعد معاه وما أخليه يتم عند الخدامه بس هل هذا هو الحل الوحيد؟؟؟

مادري شو أسوي محتاره وتعبانه نفسياً واااايد …..