عالم البنات النسائي كل ما يخص المرأة العربية من ازياء وجمال والحياة الزوجية والمطبخ
يسعدلي صباحكم ومساكم //
اليوم سار شي معي غريب وابغى اسالكم عنو
بعد مااستخدمت الحمام وانتو بكرامه وبعد ماقمت
وخرجت منه وانا ماشيه الا احس شي ينزل مني على رجولي
وكنت وقتها مجففه نفسي بالمناديل يعني مو مويه
رجعت الحمام ورفعت ملابسي وطليت الا القى فعلا شويه مويه تنزل مني
على رجولي الثنتين ولونها زي الحليب
الكميه كانت بسيطه يعني حق ربع او نص فنجال قهوه
وقف بعدها طبعا انا وقتها كنت بالمول اتسوق وامشي شوي
والغريب امس كنت مراجعه الدكتوره وقالتلي الرحم مغلق تمام
وانا لي الان اسبوعين بالضبط في التاسع بس بيني وبينكم
من بعد ماكشفت علي الين اليوم وانا يجي الم خفيف ويروح
بس خفيف اخف من الم الدوره يعني ,,,
رجااااااااااء خاص فهموني ايش اللي سار بالضبط
ايش اللي نزل مني
بديت احس بغثيااااان ولوعة كبد
تذكرت بداية حملي من صحيت الظهر وهو معي
بس دحين بدأ يزيد شكله الله يعين
