عالم البنات النسائي كل ما يخص المرأة العربية من ازياء وجمال والحياة الزوجية والمطبخ
صباح الخير
هلا بيكم اخواتى
النهارده هفرفشكم حبتين بكام نكتة حلوين
تنسوا بيها همومكم ونغير جو شوية
نبدأ بالكاريكاتير وبعدين نخش على النكت
**************
بلدياتنا مسكوه بيزور فلوس بيقول للضابط :
أموت واعرف عرفتوا أزاي ؟ الضابط
قاله : هو في ورقة ب65 جنيه
**************
ثلاثة محششين وقفوا تاكسي السواق عرف أنهم محششين
شغل العربية وطفأها وقالهم وصلنا ، الأول دفع الأجرة ،
والتاني قاله شكرا ، والثالث ضربة على
قفاه وقاله متبقاش تجري بسرعة تأني
***************
واحد بخيل جاله شحات وقاله : أنا جعان ومدقتش طعم العيش
بقالي يومين ، قاله البخيل : هو نفس الطعم متغيرش
**************
موجه لغة عربية بيقول للمدرس : ليه العيال بينطقوا الجيم دال ؟
قاله : ماهو ده اللي مدنني
***************
حسنين بيقول لصاحبه :
والله ماعرفتش طعم النوم في القطر امبارح
صاحبه : ليه ؟
حسنين : عشان كنت نايم في السرير الفوقاني
صاحبه: وماعرفتش تبدل
حسنين : لأ، ماكانش فيه حد في السرير التحتاني عشان ابدل معاه
***************
بروفيسور صعيدي اخذ معاه سباك عالكلية
علشان يعرف من فين بتتسرب اسئلة الامتحانات
***************
صعيدي واقف قدام المراية ومغمض عينيه
مراته بتساله : بتعمل ايه؟
قالها : بحاول اشوف شكلى ازاى وانا نايم
***************
المدرس طلب من التلاميذ كتابة موضوع عن مباراة شافوها في
كرة القدم كل التلاميذ مشغولين بالكتابة الا عوضين الصغيَر
كتب جملة واحدة وقعد: ‘بسبب الامطار تأجلت المباراة’
***************
* واحد سال صاحبه
ليه فترة الراحة في الشغل عندك عشر دقايق بس ؟
قاله
عشان لو اكتر من كده هنضطر نرجع نعلمهم الشغل
من أول وجديد
***************
* مرة واحد بلدياتنا راح عند الصيدلي
قال له: عندك لبن أطفال
الصيدلي سأله : اسمه إيه ؟
الصعيدى قال له : هريدى (طبعاً يقصد إسم الطفل)
***************
* بلدياتنا فتح حساب بالبنك اعطوه بطاقة ATM راح غلفها بالبلاستيك
***************
* مجموعه من بلدياتنا عملوا مظاهرة……….. لبّسوا واحد منهم بوش وحرقوه
***************
* مجموعة من بلدياتنا راحوا يلعبو بلياردو طلع واحد منهم عالطاولة و قال يللا يا
رجاله انا الجون
***************
* ايه اللى مكتوب داخل أحذية الناس دول؟
الأصابع أولا
***************
* بلدياتنا راح للدكتور ، الدكتور قال له امشي كل يوم 5 كيلو.
اتصل الراجل بعد أربعين يوم بالدكتور
وقال له انا دلوقتى داخل على
اسكندرية اعمل ايه؟ .
***************
* واحد بلدياتنا بيعمل ايه بعد ما يستحمى ؟
بيقلع هدومه المبلوله
***************
بلدياتنا تم 15 سنة يدعي ربنا انه يرزقه بولد
راح بيشكى لصاحبه
صاحبه قاله
” طب اتجوزالاول”
اتنين صعايدة واحد بيقول للتاني
لو قلت لي القفص ده فيه ايه هديك منه منجيتين
قاله جوافة
*
جورج قرداحي بيسأل واحد
بيقوله الحج فرض ولا سنه؟
قاله هأتصل بصديق
اتصل بهريدى صديقه
وقاله الحج فرض ولا سنه؟
هريدي قاله لا … الحج قرعه .
*
استضافوا واحد في برنامج الكاميرا في الملعب
سألوه بتشجع مين
قالهم المقاولين العرب
قالوله بتحب مين في المقاولين العرب
قالهم الجماعة بتوع المحارة .
*
واحد خرج من الجيش
ومعاهوش أي صنعه
فتح كشك شرطه عسكرية .
*
واحد بيقول لصاحبه :
يا أخى أمبارح دخلت فيلم هندى هايل
بتاع راجل و ست ماشيين لقوا طفله فى اللفه
خدوها و ربوها لغايه ما كبرت
وفى الاخر طلعت أمهم
*
واحد محشش كان حيخبط واحدة بالعربية .
قالتله انت ماشفتنيش .
قالها أيوه شفتك بس مش فاكر فين؟؟
*
أتنينبلدياتنا حبو يزيفو فلوس ,
راحوا عاملين فلوس كتير الورقه بـتمنتاشر جنيه ,
وراحو لواحد صاحبهم وقالو له
معاك فكة تمنتاشر جنيه ,
قال لهم تاخدوهم تسعتين
*
مرة اتنين قاعدين قدام مراية
فى واحد قال متيجى نسلم على الناس الى قاعدة هناك دى،
المهم راحو يسلموا
فالتانى قاله اقعد اقعد اهم جايين يسلمو علينا
*
ضابط المرور بيحقق فى حادث…
سأل الاول .. فرد .. يا بية انا اديتة كلاكس ..
واديتة انوار وصرخت فية علشان يبعد ومفيش فايده..
سأل التانى … فرد …
يابية انا اعمل اية ،
انا قاعد فى الكشك بتاعى
*
مرة ثلا ثة اتسابقو انهم يجيبو اكبر قطة
فالأول راح حديقة الحوانات جاب قطة،
فدخل التاني جاب قطة اكبر شوية،
فدخل الثالث اسبوع شهر دخلو يشوفو
لقوه قاعد فوق الفيل
ويقول حتنو نو يعنى حتنو نو
*
مره 2 فشارين بيفشروا على بعض
الاول قاله انا كنت فى الغابه
وجالى اسد شافنى اتخض ام ميت
قاله يا خرابى وانا كنت فى الصحراء
جالى تعبان جريت منه ورا الباب
الاول ام قايله مفيش باب فى الصحراء
وبعدين قاله استخبيت فوق الشجره
قاله مفيش شجر فى الصحره
التانى قاله ايه ياعم انت عايزو ياكلنى ولا ايه؟
*
واحد بلدياتنا راح صيدلية يشترى جبنة
حاول الصيدلى يفهمه لم يستطع ،
الى ان اتى واحد
قال له الصيدلى فهم صاحبك يا عم …
وحاول معاه الثانى لم يستطع
وفى الاخر قال للصيدلي
ياعم سيبك منة دا غبى وما بيفهمش
ادينى نص كيلو حلاوة
*
مره واحد عنده دولاب عايز يطلعه الدور الرابع.
بعت ل اتنين يطلعوه
وبعد ما وصف لهم مكان الشقه
بص لقى واحد بس شايل الدولاب وبينهج ،
ساله صاحب الدولاب امال فين زميلك
رد عليه وقال له انا شايل الدولاب
وزميلى جوة الدولاب شايل الارفف
*
واحد معدى لقى ناس بتهيص قوى قالوهم فية اية..
قالوله فى واحد بلدياتنا عايز ينط من سطح العمارة..
قال لهم خلاص انا طالعلة ،
طلعلة وقاله عايز تنتحر لية…
بلدياتنا قاله اصل انا غبى وكل الناس بتقول علي غبى ..
راح الراجل قايله هاقولك فزوره
لو حلتها ماتبقاش غبى ..
حاجة اسمها زى شكلها ..
بلدياتنا : ماخبرش ..
الراجل:البيضة
اقولك واحدة تانية .. حاجتين اسمهم زى شكلهم ..
بلدياتنا :ماخبرش ..
الراجل: بيضتين
اقولك واحدة تانية بسيطه وسهله ..
حاجة كبيرة وسودة وبتجيب لبن واسمها جاموسة ..
بلدياتنا 3 بيضات
*
اتنين بلدياتنا فكروا يلعبوا شطرنج،،،
الملك ضرب نفسه بالنار
*
واحد بلدياتنا عمل 2 إيميل،
واحد دوت كوم للشتاء
وواحد نص كوم للصيف
*
مره واحد بلديتنا كان بيدق مسمار فى الحائط
فالمسمار وقع منه
فقال له :تعالى
فلم يجي,
فقال له: تعالي فلم يجى.
فراح بلديتنا رامي على المسمار شوية مسمامير
وقال: هاتوه.
*
اربعه بلدياتنا بيلعبوا علي الطريق السريع
اللي العربيه تخبطه مرتين يطلع بره
*
جماعة بلدياتنا عملوا أتوبيس بالعرض
عشان يركبوا كلهم قدام
*
اتنين بلدياتنا عاوزين يشربو سجاير
ومش معاهم
قالو ندخل ميتم بيوزعو سجاير هناك ،
دخلو قعدو جنب واحد فى الصوان بيدخن
قال الاول : انفاس معدودة
وقال التانى : كلنا لها
رد الراجل : محدش واخد منها حاجة
*
مجموعة بيحششوا
بوكس الامن المركزي كبس عليهم
شوية استخبوا في الغيط
والباقى استخبوا في البوكس
*
واحد و مراته راحوا يشتروا لمراته جزمة
فراح لمحل وقال لصاحب المحل عايز جزمه من غير كعب
وخفيفه شويه ورخيصه
صاحب المحل قال ماشي وجاب الجزمه ،
فقالت مراته دي ما تنفعش انا عايزه بكعب…
ودبت خناقه
فصاحب المحل قرف منهم فقال للصعيدي
متخدها بكعب هو انت الى حتلبسها
قال لع من غير كعب هو انت الى حتنضرب بيها
*
اربعه دخلوا الإمتحان جلهم سؤال:
كم عدد أرجل المعزه؟
بعد الأمتحان طلعوا كلهم ماعدا حسنين
ولما ظهر قالوا له ليه مغششتناش
قالهم: أصل المراقب كان جنبي
وما اقدرتش أطلع المعزه
*
مرة واحد بلدياتنا حب يطور الهليكوبتر
فك المروحة وركب تكييف
