خلوني أفضفض.. بكيفي !!

ليه كذا تفكيرهم؟ انتي يالبنت احملي واولدي ورضعي وربي وانتبهي واطبخي واكرفي وغسلي ونظفي

انتي يالبنت عيب تسوين كذا وعيب تسوين كذا ليييه؟

انتي يالبنت عيب ترفعين صوتك على اخوك او زوجك اسكتي

انتي يالبنت طيعي ونفذي بس ولاتتكلمين !!

انتي يالبنت اصبري واصبري واصبري .. طيب لمتى؟ لين ماتموتين

انتي يالبنت لازم ماتتطلقين !! انتي يالبنت لازم تحملين !! انتي يالبنت لازم تكونين طيبه وتتنازلين !!

انتي يالبنت ماتفهمين انتي يالبنت ماعندك سالفه !!

حرام زوجك يكد عشان يصرف عليكم !! طيب والي زوجته بعد موظفه وش فرق عنها ؟؟!!

انتي يالبنت لازم تصيرين مانخلق مثلك يعني لازم تكونين لزوجك سوووبر وومن يعني المراه الخارقه عشان يرضى عليك ويمكن مايرضى بعد

انتي بس اكشخي له ونظفي له واطبخي له وولدي له وسكري فمك عنه ولاتقولين شي لا وبعد فوق هذا كله يفضل انك ماتطلبين منه مصروف نراعاه لمشاعره الرقيقه !!

واذا خان اصبري واذا تزوج اصبري واذا ضرب واذا واذا …الخ اصبري!!

اذا ماعرفتي تلبسين ماعندك ذوق واذا ماعرفتي تطبخين فاشله واذا ماعرفتي تنظفين وسخه واذا تكلمتي بحق من حقوقك طويلة لسان واذا تطلقتي مالومه ماينصبر عليها واذا ماتحملين وش يبي فيك لازم يتزوج يعني باختصار الغلط منك وفيك!!!

وهو طبعا صاحب السمو الملكي وش مهمته انا اقول لكم مهمته انه يداوم وطبعا يهالدوام الي ماكان احد غيره يداوم ابلشونا فيه واذا جاء كل شي جاهز له وبس يتسدح ويتبطح ويطلع ويفرفش عن نفسه وانتي ؟ انتي بقريح انتبهي بس يامره لبيتك

ليه طيب؟ اشك اننا ماحنا بشر او هم مهم بشر اختارو احد الاجابتين

ولاتنسون بعد هذا كله ترانا ناقصات عقل ودين !!!
جد شي غريب

ولا وش رايكم ؟؟؟

( موضوعي مايعبر عني بكل شي بس حبيت انقل كثير من تساؤلات البنات هالزمان )