عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
صباح الخير بنات كيفكم
اول شئ راح اعرفكم على بشرتي انا بشرتي من النوع الدهني يعني عذاب
تعرفون ذا الشي المهم ياحبايبي وانا اشوف وجهي بالمراية 😥 واقلبة يمين وشمال
اطالع اثار الحبوب كيف لونها بني غامق مو فاتح صراحة تقولوا حبة خال مو اثار ههههههه
وغير الهالات حول عيني بسبب النظارة 😉 وعيوني دخلت جوة بسبب النظارة بس الحمدالله
سويت عملية تصحيح نظر بالليزك قبل شهر والصراحة اللي خلاني اتكاسل من اهتمامي ببشرتي
هي النظارة لكن الحمدلله بعد ما شلتها طلعت فضايح وبذات حول عيني
لا تنزعجون مني لاني طولت عليكم في الكلام
الخلاصة
انا الصراحة سمعت عن كثير خلطات
واكثر الخلطات تتكلم عن الكركم والزبادي والليمون وووووووو كتير مواد
بس انا عجزت من استخدام خلطات تتكون من ثلاث شغلات او شغلتين
مثلا خلطة مكونة من زبادي وليمون ونشاء
اقوم احطها ماتبين الا بعد المداومة عليها اسابيع وانا من النوع اللي ماعندهم صبر
فانا ايش سويت جمعت من كل خلطة مذكورة في اي منتدى اللي تتكلم عن
التفتيح والا الاثارالحبوب ولا الهالات وووو
وأخيراً عملت خلطتي واعطتني نتايج مبهرة وتفاجأت من النتيجة في خلال 4 ايام
ولاحظوا اللي حولي كيف تغيرت بشرتي
فاستغربت كيف خلطة طبيعية سوت تغيير في بشرتي خلال 4ايام
طولت عليكم يابنات آسفة بس حبيت تعرفون واوضحلكم بمشكلتي
اول شئ غسلي وجهك بالبابايا الصابونة طبعاًوابداي
ايوة لاتنسي تعملي بخار لوجهك مرتين في الاسبوع واذا كنت راح تجربيها يفضل تعملي
بخار اول يوم مع سكراب تقشير يعني انا استخدمت سكراب كاب اللي لونة اصفر لانة مقشر ومفتح للبشرة
مقادير الخلطة الاولى وكلها طبيعية
مقدار من
دقيق الارز _ تفتيح وشد البشرة
كركم الجسم _ تفتيح
نشاء
ليمون
زبادي
حليب نيدو بودرة الخاص للاطفال غطاه احمر
ترمس مطحون وناعم
منقوع المرة الي عندها حبوب
وحبة البركة مطحونة الي عندها حبوب كذلك
عصير خيار علشان الهالات
وعصير بطاطس
الطريقة
تخلطيهم الين يصيروا عجينة زي الزبادي علشان سهل تمريرها على البشرة
وتوضع مدة نص ساعة افضل وخلي لك على الركن شوي من عصير خيار والبطاطس علشان تحطيهم في قطنة وتحطيها فوق الهالات على عينك
نجي للخلطة الثانية وهي خلطة الترطيب
المكونات
مقدار من
كريم سودو للاطفال
وبودرة اطفال
و جوليسليد الاحمر كريم
وفازلين
ولوشن فازلين بزبدة الكاكاو لونة بني
واخلطهم كلهم واحطهم في علبة زجاج وعلى طول على الثلاجة وتستخدم بعد
الخلطة الاولى الطبيعية وتخرجي منها مقدار بسيط لوجهك وليدك ولااكواعك وتخلطي معاها ليمون وقت الاستخدام بس واللي بشرتها دهنية لا تخلى خلطة الترطيب وقت كثير في وجها يدوبك ربع ساعة او ثلث وبعدين امسحي
نسيت اقول لكم الخلطتين هذي لكل شي للوجه والاكواع واليد والاقدام
والخلطه هذي اول استخدامي لها طلعت حبوب صغار في بشرتي تحت الذقن بس ده شئ طبيعي لاني
يمكن علشان بشرتي دهنية بس الحبوب دي اختفت بعدين مع المداومة بشرتي ما تستحمل الترطيب على طول تطلع حبوب فاخلي الخلطة الثانية ربع ساعة او ثلث وامسح وجهي
لان بشرتي الدهنية ترطب نفسها بنفسها لانها دهنية
ملاحظة لازم تداومي على الخلطة كل يوم ملاحظة كل يوم واللي حابة تسويها مثلي في اليوم مرتين قبل النوم والصباح خير وبركة
ملاحظة اثار الحبوب ماراح تروح الا بعد المداومة تبدا تتفتح تدريجياً بس البشرة بتلاحظي تفتيحها بسرعة
واي سؤال انا حاضرة
وسلامتكم
