عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمه الله وبركاته
كيف الحال فراشاتي
اليوم حبيت كعادتي احب اذكر اشياء مجربه شخصيا
وانا اليوم بذكر لكم هذي الخلطه من الزيوت استخدمتها انا شخصيا
واخواتي وبنات حارتنا والله العظيم امي تسويها وترسل لبنات الجيران
لانها تحب الخير للجميع
وبشهاده الجميع هذي الزيوت تحسن شكل الشعر بشكل رائع
وتنعمه وتعطيه لمعه رائعه ويطول الشعر معها مو لان الزيوت بس اللي تطول لاتنك تدلكي شعرك كل ماحطيت الزيت فتستفيدي اكثر
المهم بنات الخلطه هذي زي ماذكرت
تنعم الشعر
تعطيه لمعه
تحسن نوعيته وتنعمه
تخفف التساقط بشكل فضيع
اغلبنا طالت شعورنا لما استخدمناه وفيه بنات لا
بس حسنت الشعر وخخفت التساقط
حسب الاستخدام
قبل لاتستخدمين الخلطه
قصي اطراف الشعر
عشان يروح الشعر التالف ويطول الشعر
افضل شيئ تستخدمون هذي الخلطه ثلاث مرات بالاسبوع ساعتين اذا بتغطون شعوركم
واربع او خمس ساعات اذا مابتغطي راسك
لما تغسلي الشعر ولنتيجه افضل
جيبي قطرات بسيطه من زيت الحرير او اي زيت ممكن زيت اللوز
ودلكي فيه اطراف الشعر فقط بقليل من الزيت قليل جدا
تستفيدين انو مايقصف شعرك وتحميه
ووالله يابنات شعور خواتي تحسنت عليه بشكل فضيييييييييييع
وطويله ماشاء الله
طبعا شعورهم من الشعر الجاف والعايدي وانا شعري نوعا ما مجعد بس خف التجعيد مرره وتغير ملمسه
المهم الخلطه هذي ماتناسب اللي شعورهم سايحه لانه بيصير ماينمسك من النعومه
واللي تحب تستخدمها وشعرها نوعا ما ناعم اذا غسلت شعرها وجف نوعا ما ترفعه فوق وتلفه وبكذا رح يطلع كانه مستشور
الخلطه يابنات تكلفتها يمكن خمسين او ستين ريال تعبي جيك ليتر تقريبا
من الرياض اشتروها من عند العطارين اللي بالبطحاء او من ابن منقاش او من اي عطار تثقون فيه
وانتوا استخدموها لكم او خففوا المقادير حسب احتياجكم
ربع كيلو زيت لوز
ربع كيلو زيت خروع
ربع كيلو زيت سمسم
ربع كيلو زيت الصبار
ربع كيلو زيت الثوم (اللي من عند العطارين ماله ريحه قويه )
تخلطيها بجيك وتستخدمي نصف علبه زيت الصبار ونصف علبه زيت الخروع فقط
والباقي لا حطي العلب كامله
رجيها زين
وحطي منها بقاروه واستخدميها زي ماقلت لكم
اول اسبوعيت ثلاث مرات رح تلاحظون ان الشعر يتساقط لا تقلقون
بس التالف بيطيح وبعد كذا رح يتحسن بشكل فضييييع
بعد الاستخدام شهر او شهر ونص استخدموه مره بالاسبوع ولاتنقطعوا عنه فجاه لان الشعر بيرجع يتساقط
على فكره اي نوع زيت تستخدموه لاتنقطعو عنه بشكل مفاجئ
وانما بالتدريج
وهذا اللي عندي
اتمنى اكون افدتكم بهذي الخلطه
واللي تستخدمها تدعي لامي بان الله يشفيها
واشكر لكم مروركم
ملاحظه لاتحطي كميه كبيره من خلطه الزيت لانك رح تتعبي تغسليه ممكن يحتاج منك غسلتين بالشامبو
اهتمي بالتدليك مع الزيت قبل الزيت وبعد كذا حطي الزيت ودلكي ولفي شعرك بحيث تكون الاطراف للداخل عشان مايقصف وتستفيد اكثر
