قبل خمس سنوات او اكثر سويت هالطريقه
والكريمات كلفتني حدود 400 ريال
بس عن جد روووووعه
وناويه اعيدها بذن الله
تعبت ونا ادور الموضوع يلي منزلته الاخت
لان مع الزمن انسمح الموضوع من جهازي
وزوجي سئل الصيدلي قال هالكريمات جدا ممتازه
وبعضها ماتلقينها الا بطلبيه
والله شاهد اني جربتها
بالبدايه تحسين حرق وتخافين
بس لاتخافين النتيجه راح تكون فتاكه بذن الله
خدود مورده
وصفاء
غير الطبقه الميته الي تسبب التجاعيد والسمار راح تروح
وهذا موضوع الاخت فراوله كويتيه للامانه
نزلته عام 2003
واي اسئله يابنات انا حاضره
يالله نبدي ( بس ترى الكريمات شوي غاليه ) :
1- مبيض لجميع الجسم rexol – waiting و سعره 4,600 دينار كويتي
2- مقشر للوجه و المنطقه الحساسه louis widmer – AHA 5% و سعره 7,970
3- مقشر للجسم louis widmer – AHA 10% و سعره 8,920
4- مرطب علشان التسلخ louis widmer – remedern body و سعره 8,630
5- و هذا كريم للحبوب بالويه لأن ما يصير تستخدمين خلطات فيها تبييض وتقشير و أنتي ويهج فيه حبوب يحترق louis widmer – clear skin و سعره 2,890
و للأمانه أنا للحين ما أستخدمتهم و أنشالله باجر بشتريهم و ببدا أستخدمهم و الدكتوره تقول لازم صبر لأن أي شئ أيي بسرعه يروح بسرعه وصدقوني هالمنتجات لاحظتوها كلها من شركه وحده و أهي من أحماض الفواكه و لا تنزعجين ولا تخافين من التسلخ و الأحمرار و صدقوني صج سعرها غالي شوي يعتي أيون كلهم 25 دينار بس بعدها بياااااااااااااض 😆 hy: و نعومه و الكميه أنج تحطين من الكريمات الثلاثه براحة أيدج بكميات متساويه و تحطينها على جسمج على طول أنا قلتلكم لا تخلطون و تخلون علشان لا تحلطمون و هذي الوصفه أستخدموها وايد حريم و نفعتهم و المده على حسب درجة البياض اللي تبينها 😉 و ن شالله بقولكم عن النتايج أول بأول و أي سؤال أنا حاضره