خلطة الجونسون لتبييض الابط والمنطق الحساسة بعد التعديل..مريحة

كيفكم فراشات..

اليوم انا جايبة لكم الخلطة المشهورة ولكن بعد التعديل..
طبعا اكثرنا قرينا وسمعنا عن خلطة بودرة جونسون لتبييض الابط..والكثير اشتكى منها لأنها كونت طبقة على الابط واللي تقول تفتت على السرير وانا نايمة وصحيت لقيت الملح بفراشي واللي تنتظر يمر الوقت علشان تزيلها..

اليوم انا حبيت انقل لكم تجربتي بعد ما لقيت ان الخلطة ذاتها ممكن تكون مريحة..وبدون عناء تستخدمينها وتنسينها وتعيشين يومك بشكل طبيعي لكن ماعليك الا الاستمرار واستخدامها يوميا وراح تلقين النتيجة باذن الله..

المقادير الصحيحة والمريحة لنفس الخلطة واللي ما تنزل على السرير ولا تحتاج فرك ولا ازلة وتصير تحت ابطك او على المنطقة الحساسة كأنك حاطة بودرة عادية..
مريحة في الاستخدام وعملية ..حطيها وطلعي من البيت عادي سواء على الابط او المنطقة الحساسة(بين الفخذين)

شوفيها معاي وهي كالتالي:
نص كاس بودرة جونسون(الاطفال)
ثلاثة ارباع كاس ماي ورد
نص ملعقة ملح ناعم(ذوبي الملح بالماي قبل اضافة البودرة)
ربع ملعقة سكر(ذوبي السكر قبل اضافة البودرة)
2ملعقة زيت زيتون..

يوضع على المنطقة الحساسة او الابط ..دقايق وراح يصير شبه ناشف..ارتدي ملابسك وياليت يكون شورت قطني افضل..
واتركيه وحاولي ان المنطقة ما تتعرض للماي قبل ساعتين او 3..

لها راحة طيبة وتشعرك بالانتعاش..

وعلى فكرة الافضل تحطيها بعلبة زجاجية محكمة الغلق..علشان ترجيها قبل الاستخدام..لأن البودرة راح تترسب تحت والموية بتكون بالنص والزيت راح يطفو فوق..فتحتاج انك ترجيها قبل الاستخدام علشان تتجانس المكونات..

اتمنى اكون فدتكم..