خلصت التاسع ..ماهو الحل ؟؟؟

😡 هلا بخواتي وصديقاتي الفراشات …مدري وشلون ابدأ وايش اقول …
لاتشرهون علي تدرون الوحده مع الحمل والثقل ..تضيع علووومها
المهم بغيت استشيركم …
الحين مخلصه التاسع من خمس ايام تقريبآ …لاتقولون حسابك غلط ..انا متاكده منه وحتى بحساب الدكتوره والسونار نفس الحساب بيننا يوم فقط
..ومعي طلوق تجي وتروح على فترات متباعده..ومره خايفه مدري وش اسوي ..هل اروح للمستشفى يولدوني ..لانه فيه كثير يحذرون يقولون اذا تاخرتي بالولاده يسبب تبرز الطفل في بطن امه …او كبر الجنين ..وخطر على الطفل …واشياء كثير
وبنفس الوقت فيه ناس تقولي اصبري هذي خرابيط فيه حريم كثير يتاخرون وماضرهم وماراح يجي البيبي قبل يومه ..
وانا والله محتاره مررره
لانه في ولادتي الاخيره خلصت التاسع ولمارحت الدكتوره قالت لازم نولدك ضروري خطر على الطفل يتاخر …وبصراحه رحت لمها وماعندي اي بوادر للولاده ..مع انها دست علي كذا مرره قبلها بكم يوم تقول نسوي تحريض للولاده ..ومانفع معي..واخر شي قرروا انهم يولدوني ..وبوقتها ولادتي تعسرت مرره وتعبت فيها وشفت الموت …لدرجت لماقرب الراس ماقدرت ادفع وبديت ادوخ عليهم واضطروا يعطوني حق تنفس غير الكمام ..ومن شدت التعب التف الحبل السري على المولود بوقت الولاده والطفل بدأ ينكتم ..فظطرت الدكتوره تشفط بالشفاط ..وانا دايخه عليهم
المهم ادري طولت عليكم ..بس محتاره ابغى رايكم …هل تشيرون علي اروح للدكتوره او استنى …والله محتاره مررره مدري وش اسوي خصوصآ اني اللي اعرفهم هنا بالمنتدى اذا تاخروا ودخلوا العاشر وماراحت يولدونها تقول بالنهايه ولدوني قيصري ❗ وانا مابغى قيصري 😥
تكفون الله يعافيكم عطوني رأيكم
وياليت اللي عندها تجربه تخبرنا عنها وتقول لنا رايها
ولاتنسون تدعون لي بالولاده السهله الميسره من رب العالميين …وان الله يوفقني بالدكتوره اللي تخاف الله فيني …