عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
السلام عليكم ورحمة الله وبركاته ~
أولا وقبل كل شئ : صلّواعالنبي …
اللهم صلّ وسلم وبارك عليه ..
أخباركم حبايبي إن شاء الله تماامز .؟
بناات أنا الاسبوع إلي فات تقريبا كلو كنت كسوله بشكل مجنون .؟ 
يعني يا دوب أمشي
وطول اليوم تلفزيون + مزاكره < إيه بالحيل + نت + أكل + نوووم ؟ 
يعني صرااحة حسيت بخمول عجيب + كسل لا يقاوم ؟;)
وعلى فكرة بس ؟ ترى هذا مو من طبعي يعني أنا شوي أكتيف وأحب الحركة وشغله ما تلاقوني فاضية < الله أكبر 
المهم أنا إذا جلست كثير عالنت يجيني تشنج برقبتي وظهري يسمّر < يعني كأنو خشبة ..
أمم وهذا غير التخدير في كوول مكان . 😡
قلت يلا خلوني أعمل إكسرساايز . وتحديدا تمارين الستريتش ؟ 😆
يعني العربي السعودي : أتمغّط شوي ..
ومن جد أخذت الـ mp4 تبعي وطلعت فووق بالسطح < ما يمديكم .
وأجلس أعمل لكم تمارين التمغّط و شدشدت بجسمي شوي ..
بناات والله تأثيره زي السحر .. صدق إني حسيت بألم شوي لآني الحمد لله بنت رياضيه نوعا ما وصار لي مدّه ما سويت رياضه لكن بعدها شعرت برااحة عجيبة
ومن جد حسيت فرق الحي عن الميت ..!
بناات .. حتى النومه والله تجي هنيّة وولا أروع تحسين بطعم النوم . وخااصة بتماارين الستريتش ..
وخاصة إن هالتمارين ما تحتاج تحميه وطول عمري تقريبا ما جاني منها شد عضلي ولا ألم بالعضلات عكس التمارين الهوائية …
تيب يآرب أكون أغريتكم شوي ….
< ترى كل إلي فوق مقدمه باااس !
خلوني أكلمكم شوي عن تمارين الستريتش من ناحية خبرتي < لا يكثر بس 
وفايدتها :
1) لو لاقدّر الله عملتي حركه مفاجآة ولا شلتي حاجة ثقيله ولا حصل لك حادث أو طحتي من فوق مكان عالي أو زلقتي .. تلاقي إنك تقومي بإذن المولى وما فيك شئ ؟؟ ➡
لآن تمارين الستريتش تعطيك مرونه أكثر .
طيب أديكم تجاربي الشخصية :
قبل وبعد التمارين < بس حبيت أنوه إني كمان مع التمارين صايره أكل كويس وأشرب فيتاميناات . ويعني صايرة أهتم بنفسي .. 
بنات والله من زمان لو ألف رقبتي يمين فجأه كذا من دون سابق إنذار ألاقي صار لرقبتي شد عضلي أليم ؟ 
ومره أذكر كنت في ملاهي . وركبت لعبه وبالصدفة ضربت على كرسي لعبه بشويش ؟
ورجعت البيت من بكره لقيت شد عضلي قوي + المنطقة مزرّقه حيل ؟ برغم إن الضربة مااره خفيفه ؟;)
وبعد التمارين ..
تخيلوا يوم الخميس قعدت ألعب بالزلاجة < سرقتها من بنت صغيره تخيلوا شكلي بس .
زي هاذي بالزبط . لكن لونها أسود,ومن دون فرامل 😥
المهم والله وأزلق لكم زلقه عااالمية ! لدرجه حصلت لحظه صمت وقت طيحتي .! < هع وحطيت اللوم على الفرامل .
مع ذلك بفضل الله تعالى ثم التمارين قمت زي الورده ومن بكره ما صار لي أي مضاعفات ولا حتى ألم ؟
شفتوا كيف تأثير التمارين على حياتنا .. صدقوني فرق الحي عن الميت ؟
خلي منك الكسل
وعلى فكره ترى جسدك أمااانه في رقبتك مو من حقك إنك تلعبي فيه وما تهتمي فيه تراك كذا ما تعتبري محافظة على الامانه لا وكمان مأثومه والله أعلم ؟
وغير كذا تمارين الستريتش تعطيك قابلية أكثر للتحمل يعني لو عندك شغل لا رأسك ما حتتعبي بسرعه
تنظم لك نوومك .
يوووووووووه لو بقعد أتكلم عن فوائد الرياضه ما بخلص .
بنات إني أناشدكم .. ومن تحت قبّة الفرآآشة
على الاهتماام بأنفسكم وعمل الرياضة .
وصدقوني لو ما فيني نوم كان ما كفّيت كلام وجلست أقول لكم وأقووول لكم .
بنات لازم تهتموا بأنفسكم حبيباتي
ويلا ~
سلام حبيباتي يآآرب تكونوا أستفدتوا من الموزوووع ولو بشوووية بآآس , والآهم يارب أقنعتكم تدمنون الريااضة والهيلث ستايل بشكل عاام
وربي يحفظكم من كل مكرووه ..
