خلاص تعبت ..

السلام عليكم
بنات انا ابي افضفض لكم مو عارفة كيف ولا من وين ابدأ انا اشوف البنات يفضفضون هنا
ومشكلتي اهون منهم بكثير بس تكفون والله محتاجة مساعدتكم
انا بنت عمري18 سنة لمن كنت بثاني متوسط تعرفت على شلة بنات كانو عادي عندهم اي شي
وكانو سيئين لأبعد درجة ليتك ياربي بعدتني عنهم ليتك ..كانو عندهم عادي يكلمون شباب وكانو يقولون لي سوالفهم مع الشباب با المنتديات والشات وكذا ومرة وحده منهم عطتني موقع شات ادخل فيه ودخلت وياليتني مادخلت تعرفت على شاب اكبر مني بكثير كان عمري 14 وهو عمره 30 حبيته وتعلقت فيه .. كنت دايم ادخل الشات عشان اكلمه بعدين تطور الوضع لمسن وضلينا سنة على مسن بس .. بعدها طلب مني يكلمني با الجوال رفضت ورفضت لآكن الشيطان غلبني ووافقت .<<.ياربي طول حياتي كنت غارقة با الغلط حاولت وربي كثير اتوب بس عقلي ماكان معي كان يرفض التوبة وخصوصا كنت بسن مراهقة وربي تعبت حييييييييل << المهم بعدها ضلينا على مسن وجوال سنتين وحنا على ها الوضع وماكنت حاطة ببالي لازواج ولاغيره كنت اكلمه على عماي المهم بعدها مرة من المرات طلب يشوفني رفضت وكنت دايم ارفض بس من كثر الحآحه علي وافقت ورسلت له صورتي ع الأيميل وبعدها ندمت كثييييير وطلبت منه يحذفها وحذفها <<على وعده وحلفه لي ان حذفها المهم بعد ماحذف الصورة حذفت ايميله من عندي وعزمت ع التوبة وقلت ماراح ارجع له ابد .. بس الشيطان كان اقوى مني ورجعت له وكنت دايم الوم نفسي ليه وصلت لهذا الحال ليه وصلت انا لهذي الدنائة بحكم اني اكبر حفيدات جدتي وماعندي خوات .. فا كنت احس با الوحده كثير .. وامي وابوي مدلعيني بشكل ماتتصورون وربي الي اطلبه على طول يكون عندي وهذا الي تاعبني اني سويت بأمي وابوي كذا وهم مايستاهلون وربي تعبت حييل .. ومرة الي احبه غاب عني8 شهور تعبت فيها حيييييييل لدرجة فكرت انتحر واهملت دراستي حيل وتعبت تعبت تعبت والله ضيعت مستقبلي وتدرون بثالت وراي نسبة وانا اهملت دراستي واهملت نفسي وبعدها وصلت لحالة كنت عاجزة فيها اني ارجع مثل قبل .. بس الحمد الله ربي هداني وصرت اقرأ قران واقوم الليل واصلي وادعي ربي انه يهديني والحمد الله قدرت بفضل الله اتعدى الحالة مع اني ماجبت نسبة حلوة بس حمدت ربي اني شفيت من حالتي ولاكان الحين انا بقبري <<من فكرة الأنتحار الي ماتفارقني .. بعدها خلاص قدرت انسى ولازمت القران وقدرت انسى الي احبه .. وبعدها بشهرين رجع لي من جديد ورجعت معاناتي وكرهت نفسي والله كرهت نفسي ليه رجعت ثانية له ليه المفروض كنت اصده وبحكم اني قبليه وهو حضري مانقدر نتزوج ..والحين من بعد مارجع قلت مابي ارجع مثل قبل وان كنت كلمته من بعد مارجع بس ماتعدت المرتين والحين غيرت ايميلي ورقمي وكل شي يتعلق با الماضي بس انا يابنااااااات كاااااااااااااااااااااااااارهة نفسي حيل .. احس اني ماوصلت للتوبة النصوحة ساعدوني تكفون كيف اتوب بلارجعة واضل ع التوبة للأبد .. كرهت نفسي لدرجة قلت خلاص بسبب الي سويته ماراح اتزوج اببببببببدن .. تكفون بنات الله يجزاكم دلوني للطريق الصح ..انا والله غيرت كل شي بس مدري مو مرتاحه ابي ارتاح تعبت ..وانا ابي اعوض عن اختباراتي الفصل الأول عشان كذا ابي اتوب لربي وارتااح واسفه ان كان كلامي مخربط او طولت عليكم ..