عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلامُ عليكم ورحمة الله وبركآته
أخواتي الفراشات أنتم طبعاً عآرفين أنه من فرّج على مسلم كربه من كرب الدنيا
فرّج الله عنه كربه من كرب يوم القيامه والتناصح واجب بين المسلمين وترى التناصح مو بس بأمور الدين حتى بأمور الدنيا
وأحنا نحافظ على بشراتنا ونبي لها الشي الزين الله يزينا وياكم بالإيمان وطاعة الرحمن ومسير هالبشره تنتهي بعد موتنا ولكن تتوقعون لو قدمتِ نصيحه حلوه أو وصفه مجربه لوحده محتاجه وأحتسبتي الأجر بينتهي جمآل بشرتكِ لاوالله << هذي مقدمّه
أنا الحمدلله بشرتي مآفيها مشاكل مستعصيه لكن والله عآشرت بنات وعرفت بنات وربي تحزنون عليهم
فليش مانخلي من هالصفحه محطة لتبادل النصائح الحلوه والطيبه والتجارب المفيده على شرط
أكتبي وأحتسبي كل حرف تكتبينه لله وبإذن الله مايضيع عنده شي
ببدأ بنفسي خلاصة تجاربي وأبي منكم (دعوه بظهر الغيب) 😆 🙄
أنا جربت أنواع كثيره لمرطبات البشره وماناسب بشرتي إلا فازلين الأطفال رووووعه وخطير وريحته تجنن وإذا بغيتي ريحه أروع بعد الحمام حطي معاه شوية خمريه بيطلع ياسلام ((والله أن أمي الله يرحمها كآنت بشرتها تجنن زي الأطفال بياض ونعومه والكل يسألها عن سرها
ماكآنت تستخدم غير الفازلين العادي والقدييييييم
الله يبيّض وجهها يوم تبيّض وجوه وتسّود وجوه وجميع والدينا وموتى المسلمين أجمعين)) << ادعو لها بالرحمه يالغاليات هذي الغاليه 😛
بس نصيحــــه
لايجي المناطق الحساسه (في حآل معاه خمريه أما إذا مامعاه عآدي) لأن اي شي معطّر يضر ويسمّر هالمنطقه(عآد المتزوجات (راس مالكم هالمنطقه) الله الله بالسنع والإهتمام) ➡ (معليش على الجرأه بس هذي الصراحه 😆 🙂 )وأفضل شي لها المسك السايل أو الأبيض(وترى الموس يسّود إنتبهواويكثر الشعر ويغلظّه)
قبل أبدأ بسالفتي :(بسم الله وماشاء الله)<< حلو نسمي ونذكر الله بشكل دائم ياأخواتي
قبل فتره خلص الفازلين << أستخدمه كمرطب لبشرتي (لوشن) : )
رحت الصيدليه وأطالع أنواع اللوشنات كثيره وبالهبل وكآن ودي أغيرعن الفازلين (لأني ملوله) فأخترت شي والله يابنات رهيييييييييب زيت جونسن بيبي بالزهورالمنعشه (إسم على مسمى) شي شي فوق الخيال نعومه والريحه جنان والله أختي الصغيره تلاحقني عآد كيف المتزوجات 😥 ونفس الشي لابغيتي مزيد
من الريحه حطي معاه خمريه أو أي لوشن معطر وأنتبهي لايجي للمناطق الحساسه
أنا بالعاده لاغسلت مواعين إيديني تروح فيها(تصير عكرة ضب) خخخخخخخخ بعد الجونسن خفت مُعااناتي بكثييييير،،
سري الثانيه هو ((اولاي بالتوت البري)) حتى جابر القحطاني مدحه من صرت أستخدمه بشرتي ياربي لك الحمد صارت أفتح وهو مبيّض طبيعي وحلو لو إستخدمتوه كواقي قبل المكياج أو البودره
سري الثالث ((نجي عآد للمسامات)) أنا بشرتي دهنيه وتبهذلت من المسام كنت أنظفها عند الكوافيره بالمبلغ الفلاني شوي وترجع زي أول المسام
لقيت السر بلصقاااات تنباع بالصيدليه مو بيوريه لا ،،عآد بيوريه غاليه بـ30 أو بـ35 ريال ومافادتني بشي
هذي عند أبو ريالين بـ 5 ريال وبالصيدليه تترواح من الخمسه إلى العشره ريال علبتها خضرى غامقه
وعليها صورة حرمه وكتابتها إنجليزيه تقريباً ،، أغسلي وجهكِ بصابونتكِ وحطيها والبشره مبلوله
لمدة ربع سآعه وشيليها وبعدين حطي قالب ثلج لمدة خمس دقايق مشيه على بشرتكِ
إما يكون مويه عآديه أو مخلوط معاها موية ورد وهذا أفضل لأنه يقفل المسام
ولاتنسون حمام البخار (بالبابونج أو النعنااااع) خطير والله
أيضاً كريم التقشير بالمشمش للبشره(فيمينان بريتي)<< إسمــه للوجه والجسم حلووو كثير الحمدلله ناسبني وأكييييييد ماأستغني عن إسكنول بالبابايا
وإذا شفت فيه حبوب بدت تطلع أفك كبسولة حبوب دالاسين وهو معروف انه مضاد حيوي وأمسح
رائع وهالطريقه قريتها بمنتدانا الغالي والله يجزى صاحبتها خيروصابونة البابايا جداً روعه ماشاء الله تبارك الله
أستخدمت كذا نوع اللي 3 في 1 واللي 4 في 1 كلها حلوه واللي تبي بشرتها تووب عليها بالإكثار من شرب الماء والسوائل والحلييييييييب خصوصاً لذوات البشره الدهنيه والحلاوه اللي أستخدمها (حلاوة كنوز البيضاء رهيبه بصراحه) ولاتنسون موية الورد أمسحي بشرتكِ فيها بشكل دائم مفيده ومغذيه
هذي(كل) الأشياء اللي جربتها وجابت معاي نتايج حبيت أفيدكم لأني والله أحبكم لله
وياليت ياأخوات إذا إستخدمتوا شي وفادتكم أكتبوه ماراح تخسرون شي يمكن تجيكِ دعوه
تفرّج همّك وتصلح أمرك من وحده أفتديها
أدري طولت هذره بس كله لمصلحتنا وحنا خوات ومانستغني عن بعض
تحيآتي لكم 💡
أنتظركم وترى الموضوع مو منقول لااااا هذي تجاربي الشخصيه والله الشاهد علي
اللي بتنقله مآعندي مآنع بالنهايه أبي الأجر وبس بشرط تذكر إسمي وإسم منتدانا الغالي << حقوق الكتابه محفوظه لدى رجائي جنة ربي ومنتدى الفراشه النسائي 😀
