خطيبي مخوفني .. مشورتكم الله يعافيكم

أنا عروسة جديدة , ملكتي كانت الأسبوع الماضي والحمدلله
الموضوع ومافيه إن فيه كم شي مضايقني من خطيبي
أولها :
إن من ثاني مكالمة لنا طلب مني إن هو يدق يوم وأنا يوم , بالتناوب يعني
في البداية ماوافقت وقلتله يعني مستخسر فيني مكالماتك! 😀
بس أقنعني بفكرة انه يحس انه حب من طرف واحد وان لازم يكون فيه مشاركة وتجاوب مني
مشيت الموضوع وصرت أدق يوم وهو يوم (مع العلم انها مكالمات بالهاتف الثابت)

ثاني شي :

أول زيارة لي من بعد الملكة اتوقعت انه يجيبلي هدية ولو رمزية عالأقل وردة
لكنه جايني بطوله من غير أي شي 😆 hy:

ثالث شي :

اني بديت أحبه وصرت أتصل عليه أصحيه للدوام الصبح وأكلمه مرة ثانية من وقت ما يخرج من العمل وهو في طريقه للبيت وأتكلم معاه ألين يوصل بالسلامة ( مع العلم ان أنا اللي دائماً أتصل بهالوقت وهو عمره ما سواها)
ولمن صارحته وقلتله ليش أنا بس اللي أدق على موبايلك وانت ماتتصل علي قال خلاص حبيبتي لا تتعبي حالك وانا ما ابغى اخسرك ومن هالكلام
حسيته يتهرب عشان مايدق علي

بصراحة أنا متضايقة من بعض تصرفاته مع انه دايماً يقولي انه يحبني ويموت فيني لكن أحسه بس كلام

ما حسسني بأي تصرف بهالشي , ما أدري هل هو بخل منه أو ايش ؟
مع العلم اني آخر العنقود عند أهلي والمدللة بينهم

الله يعافيكم طالبتكم تدلوني كيف اتصرف معاه وايش اللي أسويه معاه والله اني احترت