خطيبي جرحنننننننني كثييييييييير ..

مرحبا بنات ..
كيفك ..
حبيت استشيركم في مشكله صارت معي اليوم وربي قعدت ابكي منها اليوم كله واخاف اقول ل آمي واجيب لها هم زياده علي هيه فيه ..
المهم انا في رقم من امس يدق علي ويزعجني وكانت خويتي في نفس الوقت تعطيني دقه وتقفل وهي جوالها مفصول .. قلت يمكن هي القاعده تدق رديت و ما تكلمت وسمعت صوت رجال وقفلت والمكالمه ما اخذت 3 ثواني ..
مو هنا المشكله المشكله انو انا قلت برسل لخطيبي الي مملكه عليه واقوله انا هذ الرقم ازعجني .. وارسلت لها وهو كان نايم الساعه 1 ونص ودق علي ثلاثه ومارديت جاء اليوم كلمني و اول مارديت كان عادي بس بعدين قالي انا ايش قلت لك قبل وكلام مو قلت لك ماتردين على رقم غريب قلت انا ما تكلمت قالي كلي تبن من انتي مع وجهك يعني الي بيدق عليك البنات المحترمات لودق رقم غريب مليون مره ماردو وكلام كثير مررررره جرحني بصراحه حسيت بغصه وانا اسمعه ماتكلمت ولا كلمه وحده وفي الاخير قال كلامي مفهوم ولا لا انا ماقدرت اتكلم سكرت بوجهه السماعه وقفلت جهازي وفتحته كذا مره لقيت انه مره وحده دق اول ماقفلت وبعدها مادق ..
انا ما ادري ايش اسوي كلامه مرره جرحني يعني احنا لسا فترة ملكه ويقولي كذا اجل بعدين ايش بيقولي لا ويقولي ترى انا ماسك اعصابي للحين و هذي اشياء ما اتفاهم فيها ؟؟
بليززز بنات ايش رايكم ايش اسوي انا من جد مررره احس بضيق ؟ فكرت اني اروح اقول ل ابوي ولا امي انو خلاص ما ابغاه مع اني احبه وهو دايم يقول انه يحبني بس من اقل مشكله يسمعني كلام جارح كثيييير ..
انتظر ردودكم علي لا تطنشوني ..

ابغى تقولون لي ايش رايكم في تصرفه ؟؟ ايش اسوي معه ؟؟