خطوبة اخوي اتفركشت وانا السبب

السلام عليكم ورحمة الله وبركاته
انا نفسيتي تعبانه مره
اخواتي ببدا القصه من البدايه
اخوي حب وحده من جيرانه لنه هو يشتغل بمنطقه بعيده عننا
وحبها وصارت بينهم علاقه جوال وماجوال وقالت له انا اخاف انك تلعب في وقال لها انا ابي اتزوجك وماني لعاب رغم ان اخوي عمره صغير عمره 23
المهم خطبناها له وجلسنا سنه ننتظر الرد منهم عمها كان معرقل الموضوع حتى لما اخوي جت فتره ونسى الموضوع حق الخطبه صار ترسل له تقول امانه خلي اهلك يرجعون ويكلمون امي وتقنع عمي
والمهم وافقو وطلبت البنت مهر 50الف يعني بنسبه على اخو كثير
وحرام هو ماعنده المبلغ كامل وجلس يستلف من كثير وصل لنص المبلغ
وانا من حرصي عليه ماودي يطيح بالديون قلت لي امي كلمي ام البنت وحاولي فيها يمكن تخلي المهر 40او اقل اشوي
وان رفضو خلاص امرنا لله ولما قلت لخوي اننا بندق عليهم رفض وقال لا دقون خلاص انا بدبر عمري
لكن انا ماهان علي اخوي يتسلف وهو عليه دين سياره وكلمنا ام البنت وكانت قمه بالاخلاق معنا وحلفت لي امي انها ماطلبت ولا ريال وان البنت اللي هي اللي طلبت وكانت تبي 60الف غير امها حاولت فيها 50الف وقالت انتي اللي تبين الولد وتطلبين عليه كذا بنات ترا امي واخواتها كانو عارفين انها تحب اخوي وامها قالت لها مره لو كان يحبك كان جا وخطبك واخوي صادق خطبها (صراحه انا بنسبه لي غريبه اول مره اشوف وحده تحب واحد تكلف عليها كل هذا وقالت لها امي والله احنا بالحجاز ماتوصل مهورنا كذا يعني اقل من كذا وقالت لي امي احنا بصراحه بالشمال امهورنا والله كذا حتى اختها طلبت على ولد خالها 60 الف انا كان نفسي اكلمها واقول موكل اهل الشمال كذا بس بنتكم هي اللي تبي فلوس ) والله والله يابنات اني انا كنت اشوف الرسايل حقتها لما اتقول له متى نتزوج والله اني انتظر هاليوم من سنين وكلام كثير يدل على ان البنت كانت تبيه منجد
وقالت امي خلاص ان شاءالله تتيسر الامور وبس عند كذا يعني حتى المكالمه كلها مزح مع امها وماعصبنا ولاشي و
انتهى الموضوع عند كذا
الا وامس اخو البنت يدق على اخوي ويقول اختي استخارت وماهي مرتاحه ؟شي غريب لها سنه موافقه وتبي اخوي وتحبه وماصدقت على الله ان تمت الموافقه ولما اخوي استلف من البنك نص المبلغ وهو عليه مبلغ ثاني تقول كذا
اخوي سكت وقال له خلاص طيب كان يبي يستفسر بس يقول الصدمه اربطة الساني و احسه انصدم منها
ولما كلمني حسيت انه مره تعبان ومصدوم حسيته يحاول يكابر لكن انا حاسه في مريت بهالموقف مع خطيبي لما افترقنا والله يابنات ان صوته يحزن زي اللي ماهو مصدق ليش سوت كذا هو صح يابنات ان كل شي قسمه ونصيب
لكن انهم يحبون بعض ومتجننه عليه طول 7اسنين لنه راح يدرس اهناك وهو عمره 17وتوظف عندهم وهو يحبه وفاء لها طول هالسنين والله يشهد ماضرها بشي
وسنه وهي تستخير وماجينا غير بالمواقفه التامه بعدها بكل برود تقول مارتحت طيب من بداية الخطوبه ليش وافقت وهي مستخيره
انا احس بالذنب يمكن انا اللي خربت عليهم وانا ماني داريه لما خليت امي ادق عليهم تحاول انهم يناقصون بالمهر بس والله ماضغطنا عليهم بشي انا جلست ابكي من القهر عليها ماودي اخوي يتحطم انا اعرف انه يمكن خيره لكن صعب ان يجرحك انسان حبيته من كل قلبك وانا مدري يابنات معقوله سبب تفركشها للخطوبه هو انا وامي والله حيل متضايقه واحس ان صوته بعد زاد علي ضيقتي اخوي طيب يابنات وعلى نياته ماهو حق لف ودوران مثل الشباب والله رغم عمره صغير حتى لما راح للحرب استحمل كل الظروف الصعبه و يوم توظف اخوي الكبير اتزوج وهو اللي ساعده بنص المبلغ يعني طيب ومايحقد على احد بس هي ليش سوت كذا ليش مارفضت من البدايه وماخلته يتسلف من البنك ويحط على ظهره دين علشانها وكان مره فرحان انهم وافقو بنات معقول انا السبب بالي صار والله اني احس بذنب ليتني ماقلت لي امي دق وعلى فكره اخواتي انا سئلت اخوي قبل اشوي هو صار بينهم شي قال والله ماصار شي بينا وانا ماكلمتها بعد الخطوبه غير مرتين بعد الموافقه ومره اسئلته هو عليه اقروض ولالا يقول بعدها ماكلمتها كان مشغول بالمهر والبنوك الموافقه مالها اسبوعين وحتى لما قلت له كلمها قالي والله ماكلمها هي ماتبغاني هي حره هي اللي رفضت بدون سبب ماراح اهين نفسي علشانها بس كان يقولها بحرقه وقهرانا اعرف انه مجروح كثير منها وحتى امي دقت عليهم مايردون عليها تبي تفهم السبب رغم انه قال خلاص لادقون ماراح ارمي نفسي عليها وقال بعد الله لايردها ولو ادق علي ثاني مره ماتلوم غير نفسها احسه مقهور منها بشكل ماتتوقعونه 🙁