عالم البنات النسائي كل ما يخص المرأة العربية من ازياء وجمال والحياة الزوجية والمطبخ
خطوات النيتوياج ( التنظيف العميق للبشرة) لازالة الجلد الميت
طبعا من واقع خبرتى و تجارتى سنوات اعرف جيدا بمنتجات و طرق العنايه بالجسم و البشره
هاكتبلكم الموضوع ده يارب يعجبكم و تجربوه كلكم و بجد هاتدعوللا
من اهم اسباب الحفاظ على البشرة التنظيف الجيد
النتيوباج تقدرى تعمليه فى البيت من غير ماتروحى مركز تجميل ودى طريقته
خطوات النيتوياج ( التنظيف العميق للبشرة) لازالة الجلد الميت1- ازالة الميكب جيدا :
يرجى اتباع الخطوات بنفس الترتيب
1 احلى منظف للوجه وازالة الميكب وازالة الماسكارا والايلينر المقاوم للماء
يعني مش خطر على العين
هو مش غسول هو لوشن يستخدم مباشرة على الوجه ويمسح بقطنه
منظف جونسون او طبعا اى نوع انتوا عايزينه بس احسن منظف باللبن
2- وضع مقدار من بودرة السدر في كف اليد وماء دافيء ونغسل الوجه جيدا
طبعا انتوا عارفين السدر و فوايده
بتجيبه على هيئة ورق علشان لما تشتروه من العطار
ويتم طحنه
3- مسح الوجه بقطنه مبلله باللبن بطريقة دائريه من اسفل لاعلى باتجاه الجبهة
4- فوطة مبلله بماء دافيء ويمسح بها الوجه ويدلك برفق ويشطف بماء فاتر
5- نضع كميه مناسبة من الزبادي على الوجه وللرؤوس السوداء نضع فازلين على اماكن تواجدها وليس زبادي واثناء ذلك
6- نبدا بتسخين الماء في حله متوسطه وعند الغليان يضاف اليه النعناع او البقدونس او الاتنين و نضع فوطه على راسنا ونستمتع بالبخار عشر دقائق او طبعا لو عندك جهاز البخار
7- يمسح الوجه من الزبادي بفوطة او اسفنجه او قطنه ( لا يشطف )
8- يدلك الوجه بالسكر برفق ولمدة 3 دقائق لكن برفق
للرؤوس السوداء يستعمل فتله لازالتها راح جاي بالفتله
9- تزال اثار السكر ويوضع ماسك الترمس المطحون والخميرة و
قليل من اللبن للبشرة الجافه والعاديه او الماء الدافيء للبشرة الدهنيه والمختلطة يدلك 3 دقائق ويترك ليجف
10- يشطف جيدا بالماء الفاتر ويوضع ماسك العسل لمدة ربع ساعه او نصف ساعه
11- يشطف الوجه ويمسح بقطنه مبلله بماء الورد مضاف اليه قليل من الليمون
12- يمرر تلجه على الوجه لغلق المسام
وبكده هتلاقي بشرتك نقيه و نظيفه و منورة و بيضا مفيش قشور وتعاد الطريقه كل شهر او اكثرو كانك روحتى لاكبر مركز تجميل و عملتى نتيوباج
