خطتي الجهنمية حتى يحن زوجي عليه ويخلي الشغالة عندي ..

كان فيه موضوع في منتدى الحياة الزوجية عن كيد النساء وتذكرت نفسي وقعدت اضحك

الحمدلله مرررره مبسوووطة في حملي هذا لأن زوجي مريحني عالآآآآآآآخر ..

والسبب >>>>>>> الخطة الجهنمية:)

بصراحة زوجي من النوع إلا ما يجي إلا بالخطط .. لأني لو اقعد كذا والله مايحن عليه شرير لو يشوفني بموت قدامه ..

شي والله .. لا طبخ ولا نفخ ولا شغل ولا شي .. حتى صحن الفاكهه يقول لا تشيلينه >>>>>> عين الحسود فيها عود قولوا ما شاء الله

وخليكم أذكياء شوي اعملي اكشن في البيت …

المهم ياطويلين العمر .. هذي القصة باختصار :

طبعاً في الشهور الأولى ماكنت عند زوجي كنت مسافر ه بسبب ظروف العمل .. ورجعت عنده وانا في الشهر الخامس .. وبعدين قال زوجي لازم امي تاخذ الشغالة وتسافر خلاص ما نحتاجها .. خليها تروح تساعدها ……. وكانت عمتي بتسافر اسبوعين وبتجي .. المهم .. أنا قعدت افكر ياربي والله ما اقدر اعيش دقيقه بدون الشغالة ..

والشغالة نفسها اصلاً تقول ما ابغا اسافر مع ماما انا يبغا اجلس مع مدام <<<<< تراني طيبه 😉

طبعاً ما اقدر اقول لزوجي لاتخلي الشغالة تسافر مع امك .. بيسويها مشكلة ..

تدرون كيف كانت خطتي الجهنمية ..

.

.

.

.

.

.

.

.

.

.

.

في نفس اليوم اللي كانت عمتي بتسافر فيه :

لما كنا نايمين .. شفت موية الصحة جنبي … قمت اخذتها وكبيتها على السرير .. واصيح في زوجي قووووم قوووم نزلت مني مويه وابكي واصيح آآه ولادة ولاااااادة آآآآه يابطني آآه …… ( كنت في الشهر السادس )

ويقوم يفز ابو الشباب وجاب لي سيارة اسعاف وانا اتوجع واتألم تمثيل طبعاً هههههههههههههههه

ووصلنا المستشفى وكشفت عليه الدكتورة (((والحمدلله كانت دكتورتي اللي اراجع عندها دايماً لقيتها الطواريء من حسن الحظ يعني ))) وحطولي ذاك الجهاز اللي يقيس الطلق قالت ما فيك شي بس شوية التهابات … بس أنا علمت الدكتورة بالخطة حقتي وقعدت تضحك .. راحت قالت لزوجي لازم زوجتك ترتاح في السرير ولاتقوم منه ولا تتحرك لأن وضعها خطير .. ولازم تكون عندها وحده تساعدها …
وجت أمي وكانت خايفه بس طمنتها .. وحمواتي كمان جو يزوروني .. هههههههههههه والله من داخلي اضحححك ..

وطبعاً عمتي سافرت وما أخذت الشغالة

وللحين لسى مصدق أبو الشباب أن حملي خطير .. بس لاتشيلين ولا تسوين ولا تقومين آخر دلع هههههههه