خذت بخاطري ……ودي افضفض

السلام عليكم
مدري شو اقول المفروض ما أكتب الموضوع لاني راح أكون انانية و افكر بنفسي
بس حبيت افضفض لان ضايق صدري و ما عرف افضفض لمنو و أدري بقرا ردود معارضة
انا اشتريت هدية لاخت زوجي (لانها ولدت) و اليوم قاللي زوجي انه بيشتري هديه للنونو و فكر و قاللي بعد أفكر اشتري هديه لأختي .. (مع اني شاريتلها هدية محترمة ) ومن عادتنا هو يشتري هدية للنونو و انا للأم .. مع العلم ان المرة اللي طافت لما هي ولدت ما اشترالها شي بس اشترا للنونو و أنا اشتريتلها هدية
بالنهاية اقترح انه يشتري لأخته ذهب من داماس ! ❗
و أنا انصدمت ماتوقعته منه غرت صراحة و خذت بخاطري .. ما قدرت اسكت ،، قتله انا زوجتك و انت عمرك ما شريت لي ذهب (حتى لما أنا ولدت ما اشترالي)…قاللي انا من الأول ابي اشتريلها هديه يعني بدون مناسبة مش علشانها ولدت
قلتله أنت سبق وشريتلها طقم علشان زواجها .. و بعدين قلتله بكيفك و سكتت ..ندمت لأني قلتله هالكلام حسيت اني شريرة 😥
مع العلم انه بعد ما شافني غرت ما أكد لي أنه يشتري لأني ماعلقت زيادة و غيرنا الموضوع بس أحس وده يشتريلها ذهب
ادري المفروض ما أغار و لا أقوله هالكلام و ما أمنع المودة و الرزق بينهم بس ما توقعته يحل عليه هالكرم فجأه على أخته ومو على زوجته ..خاصة انه من فترة قصيرة يمكن من شهرين قاللي لا تتوقعيني اشتريلك بيوم من الاياام ذهب لأنه غالي و ما أقدر عليه …(قلت بقلبي يعني غالي على زوجته و ما يغلى على أخته)؟ مع انه علاقتهم كانت عاديه و مافي شي بينهم
والحين ضايق صدري ودمعتي بعيني 😆 🙄 و أحس باشياء كثيرة أحس اني انانية و غيورة و بنفس الوقت ندمانة اقول ليش قلتله هالكلام انا طيبة و المفروض ما أقطع رزقها بس والله استغربت أقول بقلبي وشو هالغلاوة بينهم والكرم اللي حل عليه
غصب عني غرت مع ان مافي بيني و بينها مشاكل
مدري ليش كتبت الموضوع هي مو مشكله اصلا علشان أطلب حل و لو أكد لي انه بيشتريلها ذهب ما راح امنعه هو حر يشتريلها اللي يبي بس راح اخذ بخاطري اكثر
حبيت افضفض يمكن الاقي رد من الردود تغير نفسيتي