خآلتي(أخت أمي) .. تغث بالنغزآت.. وأنا وحدة ما أتحمــل..

بنآت أنا عضوة جديدة ..

وهذي أول مشاركة لي..

ويؤسفني صج انها تكون فـ هالقسم..

ما حبيت انكد عليكم من أول مشاركة..

بس شسوي.. الظروف تحد الواحد ساعآت على اللي ما يبيه..

المهم..

خالتي توها رآدة من السفر.. هي تدرس بره..

جآت وجآبت غثاها معاها..

هي صج حبوبة وحليوة..

بس ما تحاسب على كلامها.. وتقط نغزات ساعات تبط لجبد..

الله يسلمكم الاسبوع اللي طااف..

كنت صابغة شعري ورايحة بيت يدي..

ومستانسة على الصبغة وعاجبتني..

والكل قالي حلوة فـ المدرسة ..

ويوم جافتني خالتي..

تخيلوا كلنا قاعدين فـ الصالة ..

قامت تتكلم وتقول انها يوم كانت كبري صبغت شعرها وايد..

وعقب قالت ان اللي يصبغ شعره هذي يدل على عدم الاستقرار..

وقالت لي لأنج مراهقة عادي..

انا يعني انحرجت من هالكلام جدام الكل..

قلت لها يعني حتى الكبار اللي يصبغون شعرهم .. هذي عدم استقرار..؟؟

قالت اي..

احس ماله خص. يعني في نآس يحبون التغيير ..

وحتى ما قالت لي حلو .. او عليج بالعافية .. نعيما..

بس خالتي الثانية الله يجبر بخاطرها مدحت الصبغة..

يمكن هالسالفة سخيفة شوي بس انا ما حبيت اسلوبها.. وما احب حد يحرجني جذي..

وهالاسبوع ..

انا كنت قاعدة ع العشا .. قاعدة آكل..

الا قطت نغزة ..

قآلت : مسكينة فلانة .. ( اللي هي أمي) من زمآآآآن ما قعدت معانا ع العشا..
والمشكلة احس بنظراتها لي وانا آكل.. { يعني تبيني أحس على دمي..

لان الله يسلمكم .. أمي كانت شايلة اختي الصغيرة..

وما جاات تتعشا.. فهي تقصد اني ليش ما خذت عنها البيبي وخليتها تاكل..

المشكلة قالت هالجملة وهي تطالعني بنظرات.. يعني إياك اعني واسمعي يا جارة..

انا يوم سمعتها قلت ف قلبي ما أبي أظلمها يمكن ما تقصد شي..

ما وعيت الا بنت خالتي تكلمني بصوت واطي : معلي يا الوعد بآكر تحملي.. ( على غشمرة ) بس يعني لاحظت..

انا عقب ما استوعبت .. خليت الأكل وقمت ..

رحت باخذ اختي واخلي أمي تتعشا..

لقيتها قاعدة وتسولف مع خالتي ..

وخذت عنها اختي وهي للحين تسولف..!!

اصلا أمي من النوع اذا تبي تتعشا بتقول لي اخذيها او حطي لي فـ صحن.. عآدي يعني..

والاسبوع اللي طاف.. أمي كانت ترضع البيبي..

سألتها شتبين عشا .. وحطيت لها .. ووديته لها..

يعني انا اعرف السنع . ما أنطر حد يعلمني..

وتقول من زمان ما تعشت معانا وهي صار لها اسبوعين من رجعت ..!!

يعني صج هي حبوبة بس لو تحاسب على كلامها شووي..

ولو كانت قالت لي روحي اخذي اختج وخلي امج تاكل.. عسل على قلبي بدآل النغزات جدآم العرب وخلق الله..

وبس فضفضت شوي عن اللي في خآطري..

بدآل ماا نفجر من القهر..

عسى ما صدعتكم بالهذرة بس..؟