حينما تتشقلب من الضحك في الوقت الغير مناسب ???!!!!!!!!!!

يعني وحدة تقول
>>خخخخخخخخخخخخخخخ مدري ليه تذكرت اخواني على طاري اللقافة .. عندي اثنين من اخواني جعلهم الصلاح والله يافيهم عرق لقافة مدري من وين ماخذينه .. تخيلي من اول ماتخلص امي من المكالمة اللي بالتلفون مع خالتي او مع عماتي او حتى لو انها تطلب من البقالة , تلقينهم ناشبين بحلقها يمه يمه يمه يمه وش كنتي تقولين ؟ وش طلبتي ؟ طيب ليش ضحكتي ؟ وش كانت تقول لي الحرمة ؟ .. ياللــــه قـرف وتحوم تسبد الواحد من هالطفاقة اللي بهالبزران .. عـاد امي تقولي مع اني اشك بكلامها اني كنت مثلهم 😐 ..

وبعض الاياممايجييكم احيانا حالات ضحك في غير وقتها؟؟
ووحدة مثلا تقول خخخخ تخيلوا امس ابوي قاعد يعطينا نصائح عن الجد والاجتهاد
و كعادة سموه :):P كل سنه وقت الاختبارات يعيد علينا
سالفته الازليه ( انه تخرج من الجامعه بتقديرمقبول ومتحسف مره
مع انه حياته العمليه ماتأثرت من هالشي لكن على قولته شي نفسي )
يعني هالسالفه من المفترض انها تاثر فيني صح ؟ 💡
المفروض تخليني اتعاطف مع باباتي 💡
انا تخيلو كل ماقالها تجيني نوبة ضحك هستيريه 😳 علطول اتخيل
ابوي وهو داج في الجامعه وساحب عالمحاضرات:( واجلس اضحك
ههههههه اختي تقول الظاهر من كثر مانسمعها صارت تضحكنا
ووحده من البنات عاد حالتها مستعصيه بقوه تقول:
ان شفت احد يصيح قدامي غصب اضحك وكل ماكان الصياح قوي زاد الضحك 😆 hy:
وتسولف علي تقول مره صديقتي تتشكى لي من زوجها 😳
انه مايعطيها وجه وساحب عليها وهي تصيييييييييح من قلب 😛 😀
تقول ما ر مدري وش جاني واقعد اضحك هذاك الضحك القوي اللي يعور البطن
قلت جعلي مااشتكي لك من شي واصيح عندك خخخخخخخخ
وكله كوم وحالات الضحك اللي تجي في العزا كوم ثااني ➡
مثال بسيط >> ياكثر هرجتس اليوم 😆 🙄
مره كنا سهرانين في بيت جدتي مع بنات عمي سهرة رقص واستهبال وخمبقيشن 😆 hy:
وماطلعنا لبيتنا انا واختي الا بوقت متاخر مره المهم يوم جا من بكره ويقولون لنا
ان اخو جدتي توفى الفجر 😐
ورحنا العزا بعد المغرب يوم دخلنا الصاله ولا بنات عمي صافات
اول ماسلمت عليهم وحده شكلها كاتمه الضحكه
( استغفر الله زي اللي تقول فرق بين جونا امس وجوناالحين )
وانا اقبصها اعقلي لا تفشلينا 😥
شوي الباقيات اشوفهم يضحكون ➡
ووحده منهم ماقدرت تتحمل راحت التواليت الله يكرمكم
عشان تكمل ضحك على راحتها:)

وعا حالات الضحك دايم تجي تدرين متى 😥 لا واصلنا وقت طويل وجينا ننام خلاص مع التعب مو قادرين حتى على النوم ويبدا حالة الضحك الهستيري انا وبنات خالتي المشكلة على اشياء سامجة ➡ بس عاد ماننشره وقتها

وش تتوقعون اسباب هالحاله الغريبه ؟؟
اكيد لها ابعاد نفسيه
لا والله من جد اكيد لها مصطلح في علم النفس لانها منتشره بقوه
واغلبنا شهدنا مرحلة الضحك على صراخ الابلا وتعصيبها 😳
واحيانا من كثر الهم وضغط الحياة وضيقة الصدر يضحك الواحد 😥
الضحك ماهو علامة مستريح
والبكا احيان مايوحي بحزن
حتى سمعت* 😆 🙂 وحدة
انها فاطسه ضحك في……………………..؟؟؟؟؟؟؟؟؟؟؟؟؟؟؟؟؟؟؟

عزا ابوها 😳 😈
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

>>للممعلومية الموضوع منقول وايضا المواقف منقولة