حيـــــــــــــاتي بكل مافيها

مرحباا انا عضوه جديده

خلال تصفحي المنتدى وجدت قصص مشابه

لجميع البنات انا بفكر لوحدي متعذبه

بس الحمدالله على كل حال

راح اقول لكم قصتي وهذا اول مره احكي لآحد

الشكوه لغير الله مذله اذا كانت من قريب مايقدر يستحمل

انا بنت من اخوان 3

يعني احنا المجموع 4 بنتين وشابين انا 2

اختي تزوجت من صغيره 16 كدا

وانا اصغر منها بسنتين

المهم بعد ماتزوجت تمللت لوحدي لان الشباب كل برا

لدرجة ان امي كانت بتقول لاخواني اجلسو معها اختكم ملت لوحدها بس مايسمعون

اختي جابت بنت تعلقت فيها جدا لانها كانت كل عندنا

بس كانو بيخدونها عشان اهلها حسيت ان مهما تعمل

بيجي يوم وكل واحد لازم يروح لآهله

قلت الحمدالله على كل حال

المهم اختي بعد 3 سنين جابت تؤم ولا عرفت تربيهم لوحدها

امي اخدت وحده وقالت تربيها قليل لحد ماتكبر وتفهم

بس انا في قلبي ماكنت اريد التعلق وبعدين يخدونها

المسأله كدا صعبه للي يجربها كنت بقول لآمي كدا

الفراق صعب انا ماريد اعيش هل موقف كل مره ➡

بس لاحياة لمن تنادي امي اهم شي عندها كانت تربي ابناء اختي

ولا عليها مني او ايه احس وشعر

البنت كبرت شهور كانت هي تيجي من نفسها لي

لما تعودت عليها كدا

عملتها كأنها بنتي واكتر والله يشهد تحملت المسؤوليه بدري

وانا عندي كدا 17 سنه مستشفى وسهر ومرض

حتى الطبيب كان يقول لازم تدفينها اذا كان برد.. لآني ماكنت افهم على الآطفال

كانت ايام والله صعبه بس على تعود كل شي مع زمن ينفهم

المهم كان كل مايجي لي خطاب امي ترفض

انا ماكنت اهتم حقيقي لانها حتى ماكنت تستشيرني.. بشي

مرت الايام وسنين كنت اقول ليه امي ماكنت تحبني كتر ماتحب ابناء اختي

كنت استقرب كنت اسألها ليه كدا تعملين كانت تقول

لآن هذي بنت اختك ماعندها احد

لازم احبها اكيد اكتر لآنها عندنا بالبيت وبتكون زي اليتيمه

المهم قلت الحمدالله وصبرت وعدت السنين سنه ورا سنه

بعد ماتعودت عليها بنت اختي كانو يجون لي خطاب بس كان هل مره انا الي ارفض

لان كان صعب اتركها الآن ماراح احد بيحن عليها كتري او زيي من اهلها

حتى اختي كانت تقول لو اخدتها راح اربيها من جديد

لآنها عندكم صايره دلع وانا ماحب كدا

كنت بخاطري اريد اني اصير ام مهما عملت لبنت اختي الناس

اول مايسألون لو شافوها معاي هذي بنت اختك كنت اضايق

هي حتى ماعرفت اني مش امها الا يوم بنت معها بالمدرسه

بس كنت مضايقه من البنت الي خبرتها

جاء ابن خالتي يخطبني كان تمام اخلاقه

بس امي رفضته وانا ماكنت اقدر اقول شي

ظل مصر 2 سنتين على امي ولا قبلت فيه

تزوج وشاف حياته

بعد فتره بعت كلام عند خالتي لآمي يشمت ويقول

الحمد الله ان بنتك ماتزوجت وطاحت عندك

ياه الناس بتقول كلام يجرح كنت اقول ليه شماته كدا 😆 idea:

كل واحد ياخد نصيبه من الدنيا حرام يقول كدا

صارت الناس ماترحم بعض

كانت مره جات بنت جيرانا هي بنفس عمري

بس تزوجة وعندها اطفال وكانت اختي معانا

جلست تتكلم معها اختي وخلال الكلام قالت لها اختي تذكرني هل موقف

قالت صديقتي لا ؟؟

ردت اختي وقالت حتى انا ماذكر بس اختي الي خبرتني تعني انا الي خبرتها

ردت صديقتي وقالت اهااا اكيد انت ماعندك شي تعملينه وكلشي بتفكرين فيه

كان نفسي من هل موقف ابكي ليه تقول كدا لآنها صار عندها حياه واطفال

تجرح غيرها كدا:D

جيرانا هذيلي كلهم كدا يجرحون ولا يحسون بمشاعر غيرهم

لدرجة انهم لجاو بيتنا صرت اجنبهم عشان مااسمع كلمه جارحه منهم

المهم اخي الي اصغر مني قرر يتزوج قلت لامي مو انا اكبر احراج لي

قالت هو ماراح يستناكي

هذا ابن خالتك جاء يخطبك اخديه

ابن خالتي هذا متزوج وعنده 7 طفال وكل مشاكل مع زوجته

وانا اكرهه جدا جدا ستقفرالله

قلت لها ليه كدا ولا عمرك حسيتي فيني

قلت لها خلاص عملو الي تردون

بس انا ماراح احضر العرس

بس فكرت مع الايام اروح احسن العرس ولا اسمع كلام الناس وتشمتهم فيني

وانا في العرس شفت بنت خالتي

قالت هذا بنت اختك؟؟

قلت لها هذي بنتي الي ربيتها 😳

قالت وانت ايه راح استفدتي الآن انت خسرتي حياتك

انا كنت متنكده وجات هذي وكملتها علي

اخي جاب الان 3 ابناء

وصارت الان بنت اختي عمرها 16 سنــــــــــه

كل اصدقائي تزوجو ولي جابت 5 و6 ضليت وحيده لا انيس ولا ونيس

حتى المناسبات الصبحت ماروح عشان ماسمع من احد كلمه جارحه

او السؤال المعتاد ليه ماتزوجتي لحد الآن

ولي يقهر اكتر من عائلتنا كل واحد اصغر مني جاء يخطبني

بس ماكنت احسهم انهم قد المسؤوليه …البنت لو تزوجت تريد امان وستقرار

ولي يقهر اكتر ابن خالتي كل ماتزاعل مع زوجته جاء يخطبني

لحد ماكرهت نفسي وقلت لآمي لايجي انا ماريده

املي بالله كبير لو ماخدته بدنيا اخده بالآخره ان شالله

انا كنت مضايقه وحبيت افضفض لان صعب تشتكي لآحد بكدا

وخصوصاُ لو كانت المضره من اهلك

بتيجي ايام بمل لوحدي لاعيد افرح ولا ايام عاديه

كنت بجلس على النت كتير بس جاني تشدد برغبه من الجلسه عليه

قلت اقضيها بصلاه لو مليت الحمدالله ولآستقفار ودعيه من هنا شفتها

وجالسه احفظها عجبني القسم هذا لآن في ترابط بكل بنت بأختها

وانا حقيقي يوم شفته جلست ادعي لي ولكل بنت مثلي هنا

والله ماينسى عبده وصلى الله وبارك على سيدنا محمد

خلي تجربتي ممكن تكون تشد من ازر وحده فينا

كل واحده فينا تشوف ان مشكلتها هي الكبرى

بس انا دايماً بقول من شاف مصيبة غيره تهون عليه مصيبته

وممكن لو رجع الزمن تاني فيني اعمل نفس الي عملته

لآن الي بيعمل لله مافي شي يضيع عنده

انا الآن 34 ومتأمله خير الله كريم ويفرجها

ربنا يقوينا على طاعته ويعيننا على ذكره وشكره وحسن عبادته

في امان الله