عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
اللي تدخل ياريت ترفع الموضوع 
اول شي التخفيض على موضوعي الاول كثير شافوه غالي عالرغم من اني منزلة من اسعارها
مو مشكلة
التخفيض الاول
كانت ب200
صارت بـ100
هذي اشتريتها من كمايو في الكويت
ولا لبستها ولا مرة..واللي حتاخذها حتشوف كيف جديدة..
مقاسها Xl
حبيعها بـ100ريال..
صورتها على قماش اسود عشان يبان اللون كويس..
وهنا نزلت الياقة الكبيرة عشان يبان مويدلها..(تنزل عالكتف)
وهذي صورة اقرب عشان تشوفو القماش واللون..
التخفيض الثاني
كانت بـ65
صارت بـ30
البلوزه الثانيه من سما..برضو ماانلبست ولا مرة
ناعمه مرة مدري ايش قماشها بس زي الحرير ناعم..
مالبستها لاني حسيتها كبيرة عليا
هي مقاس 14
حبيعها بـ30 ريال..
الصورة مظلمة شوية لاني صورتها من الدولاب معلقة عشان يبان موديلها.. لونها ابيض واسود
صورة اقرب..
التخفيض الثالث
كان بـ80 صار بـ40
ماينلبس لوحدو يعني لازم تلبسي تحتو تيشيرت اصفر او اخضر او فوشي على راحتك كلها تنفع معاها..
اشتريتو من اتز ماين ولبستو لبسة وحده بس مو اكثر من 4ساعات..مرة ينفع لبنات الجامعه..
مقاس L
حبيعو بـ40 ريال
هنا صورتها عالارض ..
من قدام..
وهنا برضو عالارض من الخلف..
حسيت مويدلها مو باين رحت صورتها معلقه في الدولاب عشان كذا مظلمة شوية..
من الامام..
وهذي الصورتين من الخلف..
هذي كانت التخفيضات على موضوعي اللي هنا
http://satfrequencies.com/girls/alfrasha107/thread1437459/
كانت اسعارها اقل من السعر الاصلي طبعا ودحين صارت اقل بكثييير
الملابس الجديدة
اول شي تنورة استرتش رصاصي موضة السنة من زارا
اشتريتها قبل كم يوم مع وحده سودا
كنت مستعجلة واخذت الثنتين ماانتبهت ان الرصاصية ستريت يعني مو واسعه من تحت
لمن قررت ارجعها طلعت فكيت الورقة حقتها الله يهديني
يعني جديدة ماانلبست ولا مرة
بس للقياس وطلعت مو حلوة عليا
سعرها الاصلي 119
ببيعها 100 (نهائي)
ومعاها كيس زارا مدبسة فيه الفاتورة (موجود سعر تنورتين) وواضح فيها تاريخ الشراء يوم 8 شهر 12
قبل 4 ايام بالزبط
مقاسها يقلي موحد فري سايز مديم
بس انا اشوف ان اللي وزنها زايد مرة ماتنفعلها
صورة بالفلاش
اسم الماركة
ورقة المقاس اللي فكيتها(مااتذكر كيف شلتها قبل مااقيس ;))
الفاتورة
الكيس
تــــــــــابـــــع
