حياتي واهل زوجي ياربي فرج همي

..

اخواتي الفراشات حبيت انقل لكم مشكلة صاحبتي الي ضااقت فيها الدنياا وتعبت نفسيتها مرااا

وقالت عل وعسى تلاقي عند الفراشات حل ونصيحة ..

حكايتها ابتدت من يوم ملكتها : يوم فرحة كل بنت .. تقول جتها اخت زوجها الصغيرة والي متعلقة بأخوها مراا
وبدل ماتبارك لها قالت لها … انا اكرهك !!!

كذاا من غير مقدمات تقول انا اسودت الدنياا بوجهي واحس انها بتحول حياتي جحيم وفعلا” حولتها الى جحيم .. سكنت في اول زواجها في بيت مستقل فقط بالاسم لان اخت زوجهاا كانت 24 ساعه مداومة عندهم ولاقالت معاريس يبون يااخذون راحتهم .. ❗
وكمان تخرج معاهم في مشاويرهم لدرجة وصلت فيها الوقااحه انها تفتح دولاب ملابسهاا وتتفرج على جهازهاا وتقول وش هالسوالف .. قصدها على لبس النوم 🙁

تقول في البداية قلت بصبر بس صبري بداء ينفذ من حركاتها .. في جلساتهم تلمح انهم كانوا بيخطبون لأخوها وحده من جماعتهم .. وتمدح فيهاا وتوصفهاا بالشكل وتقول دلوعه وحلوة ورقيقة . وجسم وشعر

يعني على بلاطة تحاول تغيظهاا

مرت الايام والسنين وقدر الله ان زوج صاحبتي خسر فلوسة كلها في الأسهم وصارت الديون فوق راسة
والسجن قدامه ووراه وقرر يخرج من بيته ويسكن مع اهله ويبيع الاثاث والذهب حق زوجته

ومن هنا بدت المعناة الحقيقية .. سكنت في ملحق صغير مع اهله وبدت المشاكل تصير مراقبينهم في الدخلة والطلعه .. ومشاركينهم بكل شيء ..حتى بعد ماالله فرجها علية يستغلون طيبة ولدهم وحبه لهم
ويشفطون بفلوسة عشان مايهني زوجته .. غير كذااشرطوا علية اي شيء يشترية لزوجته لازم يجيب لاخته زيها مافي احد احسن من احد .. << حشى صارت ضرتها مو اخت زوجهاا
تقول مراا كان في عزومة في بيت اهل زوجها واطلبتها خالتها تنزل عندهم تحلف ان الباب شفاف ويشوفونها وتظغط على الجرس ةاخت زوجها تناظر فيها وتلف وكأنها موجوده .. وتضحك ➡

وياليت بقت علة كذااصارت ماتنزل لاجو لأمها جيران ولا اهل وتقول خلوها تقهوي وش شغلها هي
حتى بيوم استقبال ولادتها كانت هي الي تقهوي الضيوف وتخدهم ماكأنها الوالدة ..

حتى الجارة نقدت وقالت المفروض الوالدة تجلس وغيرها يخدم ..
هي تقول انا صبر نفسي عشان زوجي .. بس ااه من زوجي وقلبة البارد ماايحس وماايقدر يقول شيء وماعنده غير اصبري اصبري..

جابت الثاني .. وهي لاتزال في الملحق مع اهله .ز والي تحول مخزن من كثر الحوسة الي فية .
لين طفح فيها الكيل وفض فضت لزوجها.كسرت خاطرة وقرر ياخذها مشوار براا وقرر يسافرون ليوم واحد من غير الاطفال.. وقالت مابي اسمع منهم كلام قال لاء هم قالوا نبيهم ..
تقول طوال مشوارنا يتصلون ولدكم تعبان مدري وش فية ماانعرف له ارجعوا ولما رجعوا للبيت الولد ماافية الا العافية .. بس يبون ينكدون عليها,,

جابت شغاله بعد حملها الثاني .. لانها تعبت والشغاله ضروروية عشان هي حامل ب3
والحركة مو كويسة عليها .. واستغلو وجود الشغالة كرف من غير رحمة ,. وبكل وقااحه لانادة شغالتها يزعلون يوقولون خليها نبيها ماانقدر من غيرهاا 💡

اخر مراا كامتني امس تحلف ان ضرتها الي هي اخت زوجهاا .. صارت تتوحم معاها ➡
اي شيء تطلبة متوحمه علية تبي زية وتقول ابي مشاركتها بكل شيء مااناقص غير تنام بينهم

وياليت عند كذاا وبس تقول احاول اكسب راضاها بالهدايا وكذاا تااخذها بكل وقااحه ولاتقول شكرا”
كل الي تبي منكم نصيحة لوجهه الله كيف تتعامل مع النوعية هاذي من البشر
وتدعون لها بالفرج والانتقال لبيت مستقل ..