حياتي مسلسل لا تنتهي حلقاته

واستر عن ما واجهت ولا من يوم الثانويه انا وزميلتي بالمدرسه والي ما توقعتها في يوم من الايام ان بنتشارك وبعد 13 سنه تخرج في زوج واحد ايه ادري انه قدر بس مب هالسهوله تتصدق المهم بختصر من غير لف او دوران من اربع شهور كان عرسي على صاحب اخوي و زوج زميلة دراسه سابقه طبعا ما دريت بالصدفه انها متزوجته لا طبعا دريت يوم حضرت زواجهم من تسع سنوات واستغربت ان صديق اخوي ما خذ زميليتي ومره فرحت لهم ادري في ايش تفكرون اني اخذت رجال من زوجته وعياله . والله ما الومكم لانه هذا تفكير كل الي حولي من جيراني واقاربي ومعارفي والي حولي اني خطافت رجال واخذت الرجال من زميلتي وعيالها بس الي يدري يدري والي ما يدري يقول كف عدس
حكياتي والي مخبيتها عن الكل انه في يوم من الايام جات امي ونادتني وقالت لي عن فلان صديق اخوكي طلبك لزواج طبعا اخر ما توقعته انه هو يطلبني مين فلان زوج فلانه وخير ان شاء الله وش فيها مرته دين وخلق وكفايه صابره عليه طول عمره لا ومعاها عيال بعد اكيد فلان انجن وفيه شي مستحييييييييييييييل لو اخر رجل في هذا الدنيا مستحيل افكر فيه كزوج وامي بعده حكت لي السبب الرئيسي في زواجه وكان الصاعقه بالنسبه لي ولي محد يعرف فيه غير اخوي وامه واخته وهو انه زوجته ذات الدين والخلق خانته مع واحد في النت في وقت ما كان يتصوره وفي عز المه وتعبه وهو تعب نفسيا وجلس شهور تعبان وطلقها مرتين وردها لانها رفضت تترك البيت وهو علشان عياله ما يبي يشتتهم وتنفضح امهم . انا طبعا جلست ساعه فاتحه فمي ومستغربه واصيح مستحيل هذا يصير منها مسحيل اكيد ظلموها واكيد يبون يخرجونها من البيت جلست ادعي عليه ورفضت الزواج رفضا باتا وقلت لأمي تقول لأخوي هذا الكلام
وبعده بكم يوم يتصلون عليا اهله يبون يعرفون سبب رفضي وقلت لهم مستحيل اصدق لين اسمعها من فلانه نفسها والصاعقه انها هي جات بنفسها واعترفت لي انها غلطت غلطت عمرها واسوت الي سوته وما هي مستوعبه الي صار وجلست تقنعني اني اتزوج زوجها وراح اكون صاحبت فضل عليها في ذلك لاني الوحيده الي راح ارضى انها تعيش معنا وتربي عيالها وهي جلست بس نبي عيالها وتبي تربيهم وما تبي زوجها ابد لانها خلاص خسرته للابد وجلست تترجاني وقلت بفكر في الموضوع بس وقسم صعب صعب اكون الزوجه الثانيه ووش اقول لناس رحمتها وكنت بوافق بس صعب يا ناس انا جلست طول عمري من دون زواج علشان اختار صح و ما استعجل بالزواج من رجل متزوج واجي الحين اقبل ادري انه عمل انساني
بس في مكاني راح توافقون
وعطيتهم رفضي لثاني بس ما يأسوو جلسو يقنعوني بأنها ما راح تكون الزوجه وراح تربي اطفالها وبس وهي انتهت من حياته لاص يعني ما راح اخذ رجال من مرته وهي متنازله عن كل شي بس تجلس تربي عيالها وتحافظ على نفسها من الفضيحه وانا راح اكون صاحبت فضل عليها والرجال كلمني بنفسه واقنعني
بهذا الشي
طبعا بعد جهد واقناع مستمر واستخاره وافقت وملكت وكل شي مر بسلام وحسيت انه يموت فيني واني اول حب في حياته وحسسني انه مرته ما عرفت تقدره ولا تقدر اهله وانه مستحيل ينسى الي سوته فيه
وتزوجت وعشت مع اهله وهي كانت عند اهلها فتره وعقبه يا حلوين بدت تدق عليه وتلح انها ترجع للبيت وتترجاه وانها تابت وتغيرت وهو يسبها ورافض وقال خلاص مو قادر انسى وراح اطلقك
وكل يوم على هذا الحاله وكان يفكر بعياله اشلون راح يعيشون مشتتين وخاصة انه ما يأمنهم عند اهلها
وممكن يسوون شي في العيال انتقاما لطلاقه من اختهم وكان يضغط عليها دايما علشان هي بنفسها تطلب الطلاق بس ما في فايده رضت على نفسها انها تعيش شغاله ومربيه في بيته بس يردها للبيت
وهو ما يبي علشان المعاشره والعدل ما هو طايق يشوف وجهها فما بالكم يعاشرها وينام معاها
خاصة بعد ما قرى رسايلها ورسايله في الايميل حق زوجته شي مخجل ويفور دم ابرد رجال
هي تقول رحت لشيخ وقلت له اني مسامحة زوجي وما ابي منه شي لا معاشره ولا نفقه ولا شي
متنازله عن كل حقي بس ابي ارجع لبيتي المهم اقنعت زوجي انه يرجعها وخاصة ان حماتي مو قادره على العيال وطلباتهم ولا انا قادره عليهم ومنها تعيش مع عيالها وكل واحد في حاله
بختصار بعد شهرين من زواجها رجعها للبيت
وبدت المشاكل
انا حملت وتعب الوحام الله يعين وهي تحاول تسحب زوجي لناحيتها وانا قاعده في غرفتي افكر وابكي
وزوجي مو حاسس فيني يبيني اضحك وافرح وابسطه يوم يجي معصب وانا حياتي زائد الوحام لا يطاق لا ولي زاد وغطى يفكر يعدل وينسى ويبيني اساعده وانا الي قلت له من قبل ما اقدرررررررر اعيش كزوجه ثانيه
بالله وش الحل بمووووووووووت احد يرحمني