حياتي الزوجية على حافة الهاوية ::: قصتي الطويلة جدا صرت ادعي عحالي اموت ساعدوني

فترات متباعدة وككنت كتير حاملة الهم وماحكينا لاهالينا طبعا
وماصار حمل وكنا مرتاحين لانو ماكنت بدي احمل وزوجي لبالي رغبتي
ماكان مشكلتنا الحمل قلنا انو احنا ماجلين بكيفنا
المهم خلال هالفترة كان زوجي مايضغط علية ابدا وكل منيجي نعمل علاقة يقلي نجرب اقلو لا
ويداعبني وكل شي ويعملي كل شي حلو بس من برة تكون كل اشي والاستثارة من برة لكن جوة لااااا
وضلينا هيك وكل متزكر اني عملت في هيك بدعي على حالي ياريت ماطلعت بحياتو
كان يسافر ويجيبلي هدايا كان يموت فية ويعملي مفاجات وطلعات رومانسية ومو ناقصني شي
كان كتير حنون وطيب
وهييييييييييك ضلينا رحت كزا دكتورة ومافاد بشي واخر دكتورة عطتني حبوب مهدئة ومازبط برضو نمت بعد مخلصنا ومازبطنا هههه
المهم بعدين بعد 9 او 10 شهور تقريبا عملنا وراح شوي وكملنا بعد فترة وتخلصنا من المشكلة هاي
رح طلعت مشكلة جديدة التشنج وضيق المنطقة شو كنت اكره العلاقة الزوجية المصيبة زوجي غلط لما راعا مشاعري وحن علية
كانت النتيجة اني ماكنت اسمحلو يعمل اشي من جوة الا كل وين ووين
لغاية محملت
وكان النا سنة متزوجين وعدد مرات العلاقة الكاملة بايلاج داخلي تعد عالاصابع !!!
حملت وصرت مهووسة وخايفة يصير شي بالحمل
وبعدتو عني وكل شي كان من برة يتم ودايما اقلو حياتي زعلان يقلي لا بدي اتحمل مشان خاطرك
ويحسسني مو فارقة معو وانو حياتنا الزوجية لسة طويلة
وانو قدامنا العمر لشو نستعجل وان شاءالله بولد وبتتوسع المنطقة شوي وبتحسن الوضع وزي هيك

عالخااااامس ولا السادس لدخل مرة
وتعبت وادايقت وماعادها المسكين (((( انا شيطانة صح؟)))
المهم ماكان في شي يزعلنا ابدا وكان نموت في بعض وكلو تمام يعني كانو هالموضوع مو موجود بس هوة رجال واكيد صابر مشان حبي
لكن من جوة نفسو مسكين حزنانة عليه

ولدت وكان زوجي ام واب وكل الناس وماخلانا نحتاج اي حد بالمرررررة ماقصر وانا استمريت في انانيتي بدي كل شي عمزاجي
وبدي الحياة تفصيل وقياس علية تماما مابعجبني تسير الامور غير الي رتبت الو
بدي هوة ينهلك ويموت مشان يسعدني
انا مو سيئة انا طيبة كتير وحنونة ومرحة والكل بموت فية من زمان ومعطائة كتير كتير من يومي ودايما الناس داسو عقلبي وجرحوني
وكنت اعطيهم من قلي والله ومااهتم واقول انا طيبة ولازم كون طيبة وقرفوني الناس جروح و غيرة وحسد واستغلال لهبلي وطيبتي الزايدة
انجرحت كتير من الدنيا مابدي قول كيف بس اختصار للوقت والكلام طيبتي كانت زايدة كتير وحسن النوايا
الامر الي خلا كل الناس يستغلوني وانا هبببببببلة وساذجة وين ووين لاكتشف الحقيقة ولما اكتشفها شو اعمل ؟ولاشي !!!
المهم وانا مثقفة ومتعلمة ورومانسية وكنت ولازلت بحب زوجي كتير وبعملو مفاجات وهيك امور
لكن هوة صبر عليى وعلى دلعي كتير مسكين
ولدت
وبعدين اجت ظروف شغل وهيك وكان يتاخر ومايعجبني العجب وابكي كتير واشكي وعاملالو نكد غير شكل
وهوة صابر ويحن علية يرجع الساعة 3 بدل ميطب وينام كان يحضني ويعطيني حب وحنان ويتاسف عالتاخير
وانا مستمرة في التخلف الي انا فيه
فاهمين علية انا مش سيئة بس مدلعة وبدي كل اشي عمزاجي في انانية عواطف نوعا ما وخلص لما حب حد بدي اياه جمبي عطول
ماكان حارمني من شي فلوس ووين مبدي اروح بس انا كنت مااتحمل الغربة وبعدو عني
بس عاد هلأ بدينا بالجد
انا من بعد الولادة اكتئبت كابة مو طبيعية لدرجة كنت اعمل حجات فظيعة كتير مابدي قول لانو جرح بقلبي كيف كنت عامل بنتي
حبيبة قلبي الحمدلله هلأ اولها كنت مو طايقة المسؤولية ابدا ومو طايقة اني اخدم حد بدي الكل يخدمني وماكنت طيق الازعاج والبكا
والرضاعة والغيار و المسؤولية
كنت اعمل فيها شغلات 🙁 الله يسامحني بس الله بشهد كان غصب عني
اطنمو بنتي الان عمرها سنة وشهور وعلاقتي بيها بموت فيها كتير ولو وقعت ولا خبط راسها برجف وبنجن عليها وببكي
بحبها كتير كتير وكنت سيئة شوي ايام الولادة بس تعودت اكتر الحمدلله

المهم هالكابة استمرت وطولت كنت سرخ في بنتي بس تبكي صراخ اقول يمكن تلتم علية العمارة وهية لسة صغيرة ماتفهم شو هادا فعادي ماتتاثر
وزوجي ماكان موجود طبعا والا كان اجتو صدمة نفسية من شكلي وانا بصرخ
تحسن وضعي من الكابة
لكن ضليت كل فترة اسرخ وتيجي زي حالات طقة مخ ولا هسترة اعض ايدي او اشد شعري واتوهم اني فتحت الشباك ورميت البنت

مو كتير خطرت عبالي بس نادر جدا بس ماكانت فكرة جدية بس زي محكتلكم غصب عني والله شاهد
بعدين راح كل هادا الحمدلله وبقيت فية العصبية الزايدة شوي ولكن بنرجع نقول الحمدلله الف حمدالله
انا الان من ناحية ابنتي طبيعية ومابعمل معها شي بعصب اه بس مو زي اول الولادة بسرخ بس بشكل عادي ومو كل شوي
يعني مشكلتني في معاملة ابنتي وتحمل مسؤوليتها راااااااااااااااااحت الف شكر يارب بدمع عيوني بس احس بهالنعمة

بس ايامها كنت ابكي لحالي كتير واكره حالي واكره زوجي واكره الناس وابكي ابكي ابكي احس حموت بدي انتحر
كنت زعلانة كتير نفسيتي تاثرت هادا وزوجي كان حنون كيف لو كان هاملني شوي؟
ومع الاشهر الكابة بردت حدتها لكن صرت دايما حزينة ومااحس بطعم اشي
احس مستفزة من زوجي وانو كريه
احس بالشد العصبي
احس قلبي بخفق كتير
انا مابنكر من الاول انا عصبية بس طبيعية بس انا بعد الولادة كان في شغلات غريبة
زي محكيت
من اتفه موقف اتشنج واستفز و احس قلبي مليان حقد وكره على زوجي واحس اني بغلي غلي الف درجة مو 100
وانعكس هادا على زوجي
طبعا نرجع لموضوع العلاقة الزوجية
الاربعين طول معي للشهرين واكتر عشان بقايا ولادة
انا تعبت بولادتي شوي
المهم خلص اخدت دوا ونزلت البقايا
وصرنا بمصيبة منع الحمل
ضليت شهرين محتارة ومو عارفة شو اعمل وطبعا مافي علاقة زوجية داخلية
بعدين حطيت مانع حمل هرموني
وبدات الكوارث تعبني جدا جدا جدا نفسيا جسديا وعملي نزيف 3 شهور متواااااااصل كان يزيد يبدالي تنقيط بعدين صار زي النزيف
اشي مقرف
وعلاقة زوجية
0
مافي طبعا

جربنا مرة ماكان في دم وتوجعت كتير كتير عشان اول مرة وزوجي زعل والرجال بدا بزعل معاه حق

رحنا عاد شلت المانع التعيس وارتحت شوي ومافي علاقة برضو عشان زوجي دوامو طويل كتير ومشان فش مانع
ولما قررت اخد الحبوب المركبة لانو كان بنتي عدت مرحلة الرضاعة الخطرة وصار ممكن الحبوب الى جانب الاكل بيضل في حليب لبنتي مشان ترضع طبيعي مستمر
المهم ماصار نصيب وحملت
والان انا حامل بكمان بنت 😈 ماشاءالله تبارك الله
نرجع للتدهور
حتقولو في تدهور اكتر من هيك حقلكم ااااه
انا من بعد مخلصت كابتي بعد الولادة قصدي البكا وشد الشعر و الحزن
تغيرت كتير كتير كتير
صرت بااااااااااااااااااااااااااااااااااااااااااااااااا ردة
ومملة وازا تخانقت مع زوجي مااحس اني حموت زعل عكس زمان
ولما نتصالح مااحس بدي اهجم احضنو واموت فيه
لالالالا
عادي جدا هيك ولا هيك عادي ممكن ابكي من كلام حكاه بس انو ابكي عشانو بعيد مو كتير كانت تفرق ليش مابتفهمووو
وزوجي حس طبعا
قبل كانت عندي رغبة في العلاقة صحيح من برة بس كنت استمتع حتى من برة بس بعد الولادة تلاشت هالرغبة كتير وخفت خفت
كنت زمان اتفنن احيانا في العلاقة هلأ ملانة وزهقانة وموطايقة الدنيا
احيانا بفتعل مشكلة عشان زوجي يبعد عني واضل لحالي !!!
قارفة الزلمة بمعنى الكلمة و كاأباه
صارحني وتخانقنا ويقلي بشو قصرت معك هادا جزائي انت كتير انانية كل هالي عملتو وهادا جزائي صبرت عالي ماحد ممكن يصبر عليه
مازنيت ولا خنتك ولو حد بدالي كانت تجوز من زمان وانا لهلأ صابر ومابدي اتجوز
بس ليش هيك بتعملي شو ناقصك حرام عليكي انا حبيتك وبموت فيكي وماخليت نفسك باشي وحرمتيني من كل اشي
وقاسية عليى
فعلا صرت قاسية قبل بقلكو كنت اجري اراضيه ومفاجات رومانسية
هلأ ازا تخانقنا برميييييييييه ولا كانو جوزي حبيبي
ملانة منو كتير كتير مسكين مالو زنب
شو معملي مابعجبني
مهملاه كتير نفسيا وعاطفيا وكلووووو

ازا حضنتو من غير نفس وازا بستو من غير نفس نادر ميكون نفسي احضنو من قلبي
كل هادا من بعد الولادة مابعرف ليش وشو اعمل
مسكين مرات ببكي من زعلي عليه عانى في حياته من ظروف كتير سيئة ولما تجوز على امل انو يلاقي الحضن الدافي
قام لقى هالوش الي علية والنكد مو حرام
انا معترفة بكل ذنبي بس مش عارفة ولاقادرة اتغير
المهم نكمل قرفتكو معلش بس انا متت والي كان كان
ضليت هيك زمان كنت اوعدو اتغير يستمر التغيير اسبوعين تلاتة وارجع انانية واتخانق واعصب
الايام هاي
هههههههه 3 ايام وارجع عاطلة
حتى هوة بقلو خلص حبيبي وعد لاتغير
بضحك وبقلي يومين؟؟؟
ايش صارلي ياناس
انا من جوة بحبو بس بااااااااردة عاطفيا وجنسيا وكل انواع البرود

بس كنا نتخانق زمان قبل تعاسة الولادة
كنت لما نتصالح ادوب فيه ونكون جسد واحد وحب وعشق احس بحرارة جوايا من حبي الو
هلأ
……….

ماعاد فية الروح والحماس للحياة الزوجية والعاطفية
ابدا ابدا ابدا
ماعاد الي نفس اعمل اشي رومانسي
بخطط ووقت التطبيق بقرف وبقول اوف بلا زهق
ازا جبلتو هدية بكون مو بنفس حماس زمان
فاهمين قصدي
الحماس والفرح والحب و الحرارة من جوة ماتوووو ماعادو عاشو ابداااااااااااااااااااااااااا

نفسي ارجع احس باني طايرة من الحب زي زمان
هالاحساس بقتلني غير اني مقصرة معاه انا كمان بدي من جوة احس بالحب والحرارة والشغف و الpassion
وااحساس انك تقولي ياااااااااي وااااااااااااااااااو حبيبي فلان بموت فيه الله ما احلا الحياة في حضنو
هادا كلو راح راح راااااااااااااح

ليش؟

واخيرا زوجي اتسرح من الشغل صارلو 3 شهور من الازمة الاقتصادية
وتصدقو بدل مااستغل الفرصة عشان نقرب مقضياها حرب البسوس مابتنتهي ابدا
خناق خناق ونكد
المسكين المصايب عراسو والمسؤولية وانا اتفه من التفاهة واغبى من الغباء مش عارفة اكون زوجة صالحة تعوض زوجها
وتحن عليه وتوقف جمبو
المهم قعدنا بوش بعض
زوجي بدا يتغير واخيرا زهق هههه
صار يعصب بسرعة مني
انا حسيتو تغير وبطل حنون زي اول
حسيتو بطل يحبني زي اول او بحبني من جوة ولو شافني وقعت بنجن
بس بطل يعاملني زي اول معاه حق
قبل كان كل يوم بدو علاقة زوجية ولو من برة لبرة
هلأ قرف ومل وصار احيانا يمر شهر وهوة بعيد حتى لو متصالحين بحضني وبنحكي وبنمزح وكل شي بس مابفكر بهداك الموضوع
ماعاد يحب يلبي طلباتي ويدلعني زي اول
فرق شاسع جدا بين دلعو الي في حملي هادا وحملي السابق
صار سهل عليه ينام بعيد عني بس بستاهل انا كنت انام بالصالون وقت الخناق بعدين ماما خانقتني واتعلمت بس انقلب السحر على الساحر
بس الحمدلله اتفقنا بلا منها وتحسن الوضع من هالناحية
صار مستغني عني بحسو
حاسة مابعملو شي غير الكوي والغسيل والاكل
حاسة لو جاب شغالة مو احسن بدل المهر الي دفعو؟؟؟
صار احيانا يبعد عني ويعاملني ببرود

هوة مو عاطل ابدا ابدا
بس ماعاد متل قبل ابدا كمان
يعني بعاملني منيح
او
بعاملني عادي جدا
ماعاد في حرارة زمان
بس نحكي بقلي انت السبب انا انسان وبحس وصبرت عليكي كتير
انا العلاقة كرهتها وطلعت من نفسي وصار عندي برود مع انو طاقتي كانت تكفي بلد
فعلا كان كل يوم بدو ولو من برة
بس بقلي خلص مافي طعم لاشي نفسي استمتع زي الرجال واحس مرتي متفاعلة معي

لانو حتى هالفترة لو دخل جوة بكون باردة بقلكو مالي نفس بالموضوع ابدااااااااااااااااااااااااااااااااااااااااااااااا ااااااااااااااااااااااااااااااااااااا
وبكون باردة كتير
وبقلي ليش مابتستمعي زي باقي النسوان
عفكرة اول حملي نزل دم وكان مهدد بالنزول فبعد عني شوي بس من شهر رجع دخل مرتين هيك ومااستمتع وكره الموضوع
شفتي العزب الي عاشو ولسة بعيشو

حكينا كتير وقلي انت تغيرتي كتير ومابعرف مالك ياريتني عاطل ولا قصرت معك بشي
صبرت عليكي في الجنس وقلت بكرة بتتحسن بعد الولادة بس مافي فايدة
بردتي كتير بمشاعرك ماعدت احسك بتحضني من قلبك او تعملي شي من قلبك
كلو بحسو باااااااااارد
انا بقرر اتحسن
بس بتعرفو
من غير نفس ماليش نفس لااحضن ولا احب ولا اكون رومانسية
خلص حاسة بدي اكون وحيدة ولحالي
لما يسكر عحالو الباب عشان يدرس برتاح بكون قاعد لحالو عالتلفزيون وانا عالنت واول ميروح يدرس بروح اقعد في الغرفة
!!!
بهملو كتير وزوجي عاطفي وحساس وبحب الحنان والرومانسية بس انا قاعدة بصنع منو رجل قاسي وسيئ هوة هيك بقول

حكينا كتير وتناقشنا كتير وبهدلني كتير وزعل كتير وانا مابتغير ابدا
وعدتو كتير وفش فايدة
بيجي مرات بدو ينعش حياتنا بعمل حركات حلوة
بلاقيني باااااردة
بنكون متخانقين والغلط راكبني

بيجي يحضني ويعملي حركات ببعدو عني او مابتفاعل اصلا او بقلو بعد عني حر او تعبانة او ظهري بوجعني
يعني هوة تغير وعفكرة لما بقلو ليش تغيرت بنكر وبقلي انا زي منا
مو راضي يعترف
وبالاخر بقول ولو بدي اسدق اني تغيرت انت السبب مش انا مابتراعي مشاعري ولا ظروفي حاسس انك ضدي الحياة والظروف وبحثي عن شغل وعاطل عن العمل
وانت من ضمن الهموم الدنيا حاساها ضدي وانا لحالي وانت مش معي

ماخبركن طبعا المشاكل 99% انا سببها
و99% يبجي يراضيني الغلبااااااااااان
صار يعصب بسرعة
هوة اصلا من النوع هادي ولما يعصب بنسا حالو
بس انا مع الوقت خليت عصبيتو بسرعة تصير واستفزو لدرجة يكسر اشي قدامو او يقرب يمد ايدو بس يمسك حالو
بقلي احنا تجوزنا كان فيكي عيوب
بس انا مو حاسسها بتخف
ولا حاسسهها زي مهية
قاعدة بتزيد شغلات غريبة بتطلع فيكي من وين جبتيها
شو اقلكو؟؟؟
واخر مرة قلي انسي انا احنا ازواج انا فقدت فيكي الامل حكتلو لا بدي اتغير فطس من الضحك من الهم
وقلي روحي الله يرضى عليكي
انسيني وكل واحد يعمل واجباته
المهم كتبتلو ايميلات انو مو بايدي ومش عارفة مالي وجبلي شيخ يرقيني ليكون فية سحر
كان يزعل ويحضني و يراضيني
يعني بحاول شكلو قاعد في اخر مرحلة المحاولات بقول بلكي
بس بلاقيني متيسة زي مناااااااااااا

المهم حاسة في شرخ بينا
هينا مش متخانقين بس حاسة الجو متوتر
حاساه كتير تمر ايام وهوة ساكت وبعيد عني وبس احكيلو مالك زعلان يقلي فش شي حبيبتي

لو عملت حركة مزح معاه بكشر وبستغرب ولاكانو مرتو
مع انو زمان كنا اتنين في واحد اااااااااااخ شو كنا بنجنن انا السبب نفسي الله ياخدني وارتاح

انا حاسة كل السبب في هادا العلاقة الخاصة هوة مرة قلي طول معلاقتنا الخاصة نايمة هيك عمر حياتنا متكون حلوة الحياة من غير جنس مش حلوة
واعتقد هادا سر تغيرو معاه حق
زمان كنت لو بين جزء من جسمي يتاثر
هلأ اغلب الاحيان لو ببدل تيابي وهيك بطلع ولا كاني واقفة
🙁

زعلانة عحالي كتير
هينا اليوم مثلا
كان قاعد عالتي في وانا عالنت ومطنشاه
بنحكي بس عادييييي
جرب يعمل معي حركات هيك وهيك حكتلو ماتعمل شي قدام البنت و بعد عني بدي احكي مع اختي عالمسنجر
وكان شكلو نفسو بس سديت نفسو
بطل يشكي ويحكي بس حاساه مكتئبة وبائس من ناحيتي
المصيبة الكاااااااارثة
نفسي نرجع زي اول بس انا باردة من كل النواحي وماليش نفس اعمل اشي
نفسي نفسيتي ترجع زي زمان بس مو قادرة بحاول اكون كويسة بتطلع حركاتة كلها من غير نفس
لو حضنتو بدون نفس لو طعميتو بدون نفس ولا حب
يعني حتى لو جيت اعمل شي واتحسن
انا من جوة مابكون نفسي بعملها بدون روح ولا احساس
كل يوم بطلع عليه وهوة قاعد زي المسكين ببكي من جوة وبروح ابكي لحالي
وطبعا انا وحدة مش عاجبني العجب ولا الصيام برجب
لما كان يتاخر ويداوم كتير ماكان عاجبني
لما قعد ماعجبني
هلأ لو راح يشوف رفقاته مابعجبني
ولو قعد في البيت بقلو ليش ملزق روح اطلع شوف رفقاتك
لو بدرس كتير بقلو دافن حالك بالكتب
لو ريح شوي بقلو قوم بلاش كسل
بقلي شو بعجبك حياتي احكيلي
عفكرة زوجي متدين كتير ماشاءالله وبتق الله وبعرفو منيح
طبعا قالبو حياتو قرف من الشك والنكد قال شو انت بتسكر عحالك مشان تحكي مع بنات عالنت بقلي انا مش تافه ولا غبي
وصراحة زوجي مش من هالنوع بس سبحان الله غبائي عجب
بقلو بدك تتجوز بالسر بقلي انا رجال مابعيبني اشي ومو تافه ولا خايف منك لو بدي اتجوز حتكوني اول وحدة عرفت وانا مابفكر بهيك شي
صريح وواضح جدا وواثق من نفسو ومن رجولته
بس انا الله يهديني
هلأ رحت شوفو حكتلو البس منيح الدنيا برد حبيبي صار يضحك ويعني بحكي معي حلو وعادي
فاهمين قصدي
انا خلص حاسة في شرخ بينا
وهوة لهلأ منيح ومراعي الله فية
بس حاساه من جوة انكسر اشي بينا بسببي
حنون وطيب وبموت فيه وهيك
بس تغير شوي عن قبل رغم انو بنكر

هوة بقلي لو حضلي هيك ماحنضل كتير كم سنة ونترك بعض لانك بتخربي علاقتنا بدون سبب مو ناقصنا شي ليش بتعملي هيك
بس ماحد فاهم انو كل هادا غصب عني والله
عفكرة انا كتير مقصرة في حق الله بصلي وبصوم وبدعي ادعية المسا والصباح وخلص
يمكن بستاهل نفسيتي هاي من تقصيري
صرت بطرانة ومش راضية قبل كنت ارضا بكل شي واقول من رضي فله الرضا ومن سخط فله السخط
هلأ فش اشي عاجبني
والمشكلة مش هيك مافي شي جوهري مش عاجبني الله يفرجها ونلاقي شغل
بس مو هادا الي مخليني هيك لانو هالحكي الو سنة تقريباااا
بس والله مو بايدي نفسيتي مابعرف مالها معقول عندي مرض نفسي؟؟؟
بعرف منيح شو بسعد جوزي وبخليه يبوس ايدي من الفرح
بعرف شو نفسو اتغير واعمل شغلات في الدين و الحياة و اوكن احسن من هيك
مو انو زوج صعب مو مفهومله راس من رجلين
بس انا مش عارفة اعمل شي ابدا

بس المشكلة انا مصدومة كيف صرت هيك كنت اتخيل قبل متجوز حكون احسن زوجة
لاني كتير منيحة ورائعة بس شكلي مابنفع للجيزة ابداااااااااااااااااااااااا