حوامل جدة .. ثواني اذا سمحتو

كيفكم و كيف حملكم ؟؟

الله يتمملنا على خير و نولد بالسلامة و نشوف اطفالنا سليمين معافين يااارب

حبيباتي حبيت اسالكم عن افضل المستشفيات و تكون اسعارها معقولة

مو اروح مستشفى الاقي نفسي خارجة منها دافعة اللي ورايا و اللي قدامي

انا كنت ابغى المتحدون بس لقيت كل مالها الحسبة بتزيد يعني من شهرين كانت الولادة عندهم ب 6000 الان زادت 500 بدون ابرة الظهر اللي تكلفتها 2000

طبعا انتو عارفين المستشفيات الخاصة زي المنشار طالعين ماكلين و نازلين ماكلين

الوحدة عاملة حسابها هتخرج ب 6000 او 7000 تلقى نفسها صكت ال 10 و ما فوق

انا عندي 3 ملفات بمستشفيات حكومية اللي هي العسكري و الملك فهد و الجامعي

و ابغى تجاربكم بالولادة

الجامعي حلوة و نظيفة بس خوفي يحطوني بغرفة معايا 3 غيري

غير كدا لا اقدر اسوي زينة و لا شي

عرفان مسويين عروض من و الى يعني باكيج الولادة ب 6150 و ابرة الظهر ب 1000 و شوية

و ان جيتهم وقت الولادة هتكون الحسبة 4600

انتو ايش تشورو عليا اكمل متابعة مع دكتورتي اللي بالمستوصف الين التاسع و وقت الولادة اروح عرفان

و لا اروح اولد بحكومي ؟؟

علما انو زوجي ما هيقدر على اكثر من 6000

و هو بيحاول يقنع فيا من اول اروح اولد بالعسكري و يقولي خلي الفلوس لك و للبيبي و سوي فيها اللي تبغي

و عشان لا اظلمه انا عارفة انه صادق لاني مساهمة بنص المبلغ من الولادة