عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كيفكمـ أخواتي ..
بغيتكم تساعدوني
تأخرت علي الدورة أسبوع ولما حللت طلعت حامل
رحت للدكتورة وسوت لي تصوير لكن ماحصلت لا كيس ولاجنين
وعادت التصوير بعد ماأنحصرت أكثر بعد ماحصلت شيء
عطتني تحويلة للمستشفى علشان يسون تصوير مهبلي ويشوفون الحمل وين
يمكن يكون حمل خارج الرحم فيسيطرون عليه من البداية
تقول 99% ان الجنين لسى ماتكون وان ما في خطوره علي الآن بس للتأكد
فأنا مارحت قلت بنتظر اسبوعين يكون تكون الجنين واصور وأشوف
شرايكم انتوا ؟ ومين صادفت نفس المشكلة ؟
مع العلم اني في حملي الأول في نفس الأسبوع تقريباً
كانوا حصلوا كيس من دون جنين
وبعدها بأسبوعين تكون الجنين والحمد لله هذا طفلي عندي !!!!
الشغلة الثانية : تنزل علي افرازات شفافه أحياناً تميل للبياض
هل هذه مشكله أحسها مسببه لي توسيع وأزمة في نفسي ؟؟!!
والشغلة الثالثة : انها قالت لي وقفي الرضاعة الطبيعية
لأن هرمونات الحمل فتنشف الحليب
وغير كذا بكون معرضه لفقر الدم
أنا مستصعبتها لأن ولدي صغير وكل اعتماده على صدري ماياخذ صناعي
مع انه ياكل وجبات لكن الاعتماد الكلي على صدري
ماأدري وش أسوي ؟
نصايحكم لاهنتوا .. وأعذروني على الإطالة
جزاكم الله خير
