عالم البنات النسائي كل ما يخص المرأة العربية من ازياء وجمال والحياة الزوجية والمطبخ
الكلام موجه لجميع الفئات الي مو متزوجين والمتزوجين والاباء والامهات و .. الخ
و حبيت انو احطه هنا بما انه الكل راح يستقبل مولود او مولوده الفتره الجايه
لنجعل الجيل القادم جيلاً نظيفاً !!؟؟
يا نااااااااااااااس بليز ربو عيالكم تربيه صحيحه ! اذا انتو مو قد التربيه لا تجيبون عيال و لا تتزوجون من الاساس !!
ربوهم على الأخلاق الاسلاميه الصحيحه ! مو بس تدرسون فقه و توحيد و تفسير الخ و لا تطبقون من هذا شي في حياتكم العمليه والدنيويه ! اجل لا تدرسون ولا تقرون و لا تسون شي .. بس صلو صلاتكم و ربو عيالكم على التفرقه و القرف و الاخلاق السيئه !
تعبنا من مشاكل البنات والاولاد الصغار بالمدارس وهم يجون المدارس ودماغهم مليان افكار و مغالطات عن المذاهب .. و التفرقه و العوائل .. و ادقق هنا مسألة المذاهب .. ! الى متى هذا التخلف ؟؟ انا شخصيا ً اعتبر الأم والأب اللي يربون عيالهم على انهم يقيمون الشخص بمذهبه .. ناس ما عندها لا مذهب ولا دين ! لأن هذا شي خلصنا منه .. ولا عت كبودنا منه .. وكبرنا على هالحركات .. بليز ربو اطفالكم على حب الغير .. مانبي الا الحب ! انهم يعرفون ويحطون في بالهم ان احنا كلنا مسلمين و نعبد رب واحد .. لا تعششون بدماغهم افكار اجدادكم الغبيه و افكاركم بعد ! ربوهم وعلموهم قصة كل مذهب و التاريخ الصحيح بدون غل و حقد !! لأن هذا غلط ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ثاني شي .. علموهم على الاحترام .. علموهم على الثقه فيكم .. لا تسون الغلط قدامهم و بعدين تلوموهم .. لا تتلفظون بكلام مو كويس و بعدين تستغربون كيف عيالكم صارو كذا ؟؟
الغو من قاموسكم .. كلبه .. حماره .. و كل الفاظ الحيوانات .. الله سبحانه وتعالى كرمنا عن الحيوانات .. و ياشين الطفل لا شفت لسانه مليان من هالكلام ! و ما الومه .. هو طفل بريء طلع من الدنيا و هو مو داري عن شي و اهله علموه ! و صراحه الحمدالله انا امي وابوي ما علمونا على هالكلمات و الى هاللحظه ما اقولها و هذي التربيه النظيفه
علموهم على احترام المعلم و الكبير والشيخ و الشغالات .. مو انها شغاله يعني هزءوها !
علموهم على تقبل المعاقين في الحياه الاجتماعيه وانهم مو ناس جايين من كوكب اخر !
علموهم على انهم مو كل شي يحصلوه بسهوله .. يعني خلوهم يتعبون وبعدين كافئوهم
علموهم انه الدارسه هي اهم شي بالحياه و علموهم على تنظيم الوقت في كل شي
علمو الاولاد على المساعده مو عشانه ولد يعني ما يساعد !! هذا اكبر غلط ! لأنك انتي بعدين بتبتلين .. علميه من الصغر على المشاركه و التعاون عشان اذا كبر يصير عون لك و بعد يكون رجال يعتمد عليه مع زوجته و عياله و مايصير انسان مستهتر
علمو الاولاد انه مافي فرق بين البنت والولد اكيد في فرق بس قصدي مو انه عشان انا ولد انتي يالبنت الطوفه الهبيطه !
علموهم يحترمون خواتهم البنات من الصغر و يحبونهم ويخافون عليهم ويحنون عليهم و يصيرون اصحاب
علمو عيالكم الامور المهمه و الخطيره و اللي ممكن لو انهم ما يعرفوها راح يطيحون بشاكل كبيره
لا تعطونهم حريه كبيره على النت و انا ا تكلم عن المراهقين و لا تخلون النت شي مهم و عظيم لأنك راح تخسرون وجودهم معاكم و راح يصير النت هو اولويتهم
علموهم على المناسبات الاجتماعيه
علموهم على الاتيكيت و كيف يكونو ناس كول ومثقفين و محترمين
علموهم على النظافه و اشياء بسيطه تنظيف الانف بالكلينكس و الامور هذي والله انها امور بسيطه ويمكن تقولون بديهيه بس نشوف ناس تفك العقل !
علموهم على احترام الجد والجده و على حب اهل الزوج .. يعني خلو علاقتهم قويه مع اهل زوجك والطرفين
بليز
انا عندي انو الانسان يجيب طفل واحد او اثنين ويربيهم تربيه سنعه و لا يجيب درزن و يربيهم تربية – – – – – !!
اذا تبون اثبات لكلامي .. روحو الاماكن العامه .. تشوفون الام تسب عيالها يا كلب يا حمار .. الخ وقدام الكل !! والله عيب ! شتتوقعون عيالهم يصيرون ؟؟
ولا تشوفون الام اذا رمى طفلها شي على الارض تركته و مشت ! ليه ؟؟؟؟
و تشوفون المدارس مليانه مدرسات تحاول تحرج الطالبات من نقدها في مذهبها و غيره .. ليه ؟؟ مين حضرتك ؟؟ انتي احسن من غيرك يعني ؟؟ يعني انتي ما راح تحاسبين على كل هذا ؟؟
اتقو الله في عيالكم و وزاد الدنيا الولد الصالح ! ربو عيالكم كويس .. و بليز نبي جيل نظيييييييييييييييييييييييييف !!
اذا كنت تؤيد الكلام .. اكتب اسمك و ارسل لجميع من لديك في القائمه حتى تصل الى اكبر عدد ممكن و حتى نكون على وعي تام !
فنكيز قروب
