حملة التفائل

اللهم صلي وسلم على النبي محمد

بنات بصراحه إحنا اللي جاب الهم والغم لنفوسنا
وربي ان حتى نفسيتي صارت مره متدهوره والسبب كثرة التفكير واللي مالها داعي

المهم
انا نااااااويه افتح صفحه جديده واللي تبي تفتحها معي تقولي
انا راح انسى موضوع الزواج والطلاق اللي صار لي
وراح ابدأ التهي بأي شي ثاني
وكمان نحافظ على الاعمال الصالحه
وفووووووووووووووووووووووق هذا كله التفائل

لازم نحط في بالنا ان كل شي مكتوب

جلست مع نفسي وطلعت بسالفه خلتني اتفائل وهي

الله سبحانه وتعالي مو اخرجني لهذا الحياة في يوم محدد وساعه محدد واختار لي اسم محدد من دون تدخل اي احد
تصدقون ان اهلي اختلفوا على اسمي بابا سماني بإسم وماما بإسم واخواتي يبغون اسم ثاني ولما راح بابا يسجل اسمي في المستشفى ايام زمان طبعا سأل اللي يسجل الاسامي وش تبي تسميها قال بابا ابغى اسمها عائشه قال طيب خلني اسأل الولد الصغير هذا اللي هو اخوي قال وش تبي اسم اختك قال ابي اسمها (………………) قال والله مااكتب الا الاسم اللي اختاره الولد
فسبحان الله كم خططوا لهذا الاسم وفي النهايه ربي كتب لي اسم وجعله محفوظ لحد وقته ثم انطق به ذلك الطفل الصغير
الحكمه من السالفه اللي طافت انه شي مكتوب ومقدر لي ماقدر ابوي ولا امي ولا احد يرده عني او يغيره
من هذا عرفت ان رزقي ونصيبي موجود بس مابعد جاء وقته عشان كذا تفائلت

طيب المووووووت
مو احيانا تمر علينا حالات نتمنى نموت فيها بس مانقدر نسوي شي
ليش ؟

لان أجلنا لم يأتي

كذلك ارزاقنا ونصيبا مازال محفوظ عند الله

بنات خلونا نتفائل
نعيش يومنا
نجعل حاجتنا الى نريدها سبب في تقربنا لله
خلونا نحط قدامنا هدف واحد وهو الوصول الى رضا الله والجنه
كل وحده تمشي على جدول عبادتها اللي هي متعوده عليه
بس تحط النيه والهدف هو الجنه

خلونا ننسى سالفة الزواج
ونبدأ مع بعض يد بيد
نسلي بعض ,
نصبر بعض ,
نفهم بعض ان الحياه ليست ملك ايدينا وانما نحن مخلوقين
وكل شي كتب لنا سوف نأخذه

خلونا نحط شعارنا
الانسان مسير وليس مخير
كل ماشفتي هذا الشعار تذكري انك مسيره كل شي انكتب لك من قبل خلق السماوات والارض

الشيطان حريص انه يدخل لنا من الناحيه هذي عشان نغفل عن الركن السادس من اركان الايمان هو
ان تؤمن بالقدر خيره وشره

لازم نرضى بقدرنا ونقول الحمدالله على ماكتب لنا

يالله راح نبدأ حياة جديده مليئه بالتفائل والامل والعباده والتقرب من الله

تقبلوا كلماتي

وجعلوا لي نصيب من دعائكم