حمدي لك ياارب ( قصة ولادتي )..

الحمدلله يارب ولدت يوم 26 رمضان يوم الاربعاء ليله الخميس الساعه 9 باليل بعد عناء دام طويلااا

وعقبال كل التواسع يارب يولودون بالسلامه ويهون عليهم الطلق ويرزقهم اطفال خالين من العيوب ياااارب

بداية قصتي كانت قبل اسبوعين احس بطلق مرررررررره خفييييف يروح ويجي ومغص والم دوره

ليله من الليالي الله يعزكم جاني اسهااااااال مو طبيعي 💡 والم بالظهر قلت يمكن قرررررررربت الولاده واتبخر بعوووود وارتااااااااااح

واليوم الثاني نزل مني دم وارتعت وخفت مع انه مو دم كثيررررر مره خفيف بس تدرون الحامل من ينزل منها اي شي تخاف وبكريه مادري عن اي شي المهم صادف ذاك اليوم عندي موعد ورحت للدكتوره وقلت لها قالت لازم كشفيييه وكششفت وقالت الرحم توه بادي ينفتح كثري مشي واكلي رطب

وانا من ذاااااااك اليوم متبهدله كل ليله الم ولمن تبخرت يروووح لانه رريح وانا امي قالت لي اذا معاك الم تبخري بعود اذا اهو طلق بيزيد واذا الم وريح اشو ويخف وصصصصج ومن اتبخر خلاص ارتاااااااح

ضليت ع الحال اسبوع جاء الاسبوع الي بعده وعندي موعد قالت لي الدكتوره الرحم تسكر انا خلااااااااااص سكرت بوجهي الدنيا شلوون يعني خلاص مب اولد لاني تعبت من الحمل واعراضه والوحده من تدخل الشهر التاسع تبي تووووولد وتفتك وكلا اقول بيجي العيد وانا ماولدت
كل الناس تولد وانا لااااا

ويوم 25 باليل جاااااااااااني الم فضييييييييييع الم بفخوذي وجنبي اليسار ماقدر اووقف وظهري كانه احد يدق فيه قمت ابي اروح امشي ماقدر من الالم وزوجي يقولي قومي نروح المستشفى يمكن ولاده انا اقوله لاااا الرجال خبركم من يشوفنا نتالم يخافون نولد عليهم يبون يودونا بسرعه وانا اقوله لا مافيني شي كل ليله ع هالحال اشوي واخف وانا مابين له عشان مايرتبك اهو والا لم كل ماله مايزيد وانا اتعذب وانا مادري انه ذا الطلق قمت وتبخررررت وزااد الالم ولا اقدر انسدح ولا اوقف ولا اقعد ياربي شالحل واحس اني بردانه حتى التكييف طفيته ونمت نووووومه مادري كيف نمتها انا اتوقع انه اغمى علي من الالم ههههههههههههه

وجلست الفجر وسبحت بماااااااي دافي وارتخيت وخف الالم وقريت القران والادعيه وصليت ورجعت نمت مره ثانيه

جاء الصباح يوم 26 جلسلت الساعه 6 ونص حسيت انه االالم رجع وكل ماله مايزيد وكل ربع ساعه اروح دورة المياه الله يعزكم

والساعه 7 ماشفت الا نزل مني ماااااااااااي انا خفت وارتعت وانفتحت السداده المخاطيه للكيس وقام ينزل مااااي واجد انا قلت بس اكييييييييد ولاده ماقدرت اتحرك من مكاااااني قمت انادي زوجي واهو نايييييم قاااااام مرتاع وجاني قالي شفيك قلت خلااااااص بولد وع طوووول وداني المستشفى وجات الدكتوره وكشفت وقالت ماما فيه ولاده الرحم مفتوح 4 ونص انا توكلت ع الله ودوني غرف الملاحظه ومن الساعه 8 الصبح الى 5 واهو 4 ونص والي جنبي يصارخون ويطلقون وانا اتعذب واتالم وكل الي جنبي بغرفة الملاحظه يولودون وانا توني 4 سم وكل اشوي يشيلون مغذي وتحط غيره انا تعبت وارتفعت الحراره وجات الساعه 5 ونص المغرب وكشفت الممرضه قالت 5 سم ضليت ادعي ربي والماي ينزل بكثره الدكتوره خافت تقولي ماي واجد وانتي توك 5 سم والطلق يزداد

جات 7 المغرب وكشفت الممرضه 6 ونص بدا يزيد الالم وانا بموووووووووت من الالم كلا اقول متى اولد واخلص من هالعذاب

وكل اشوي وتجي وحده وتكشف وهالكشف تذبح تموت وانا اقول خلاص لاتكشفوووووون موتوني والساعه 8 المغرب زاد الطلق وقام يستمر كل دقيقه ونزل دم ومااااي والم فضييييييييييع قعدت اصرخ سستر خلاص بوووولد والساعه 9 دخلت غرفة الولاده واااخيرا قربت ولادتي والدكتوره تقولي يلا دفععي عشان البيبي بيطلع خلاص وانا خلاص مافيني حييييل من الصبح وانا تعبانه شلون الحين بدفع مافيني طاقه
واهي تقولي يلاااا ماما ادفع بس مره وادفع وانا اصرررررخ ولا طلع قالت يلا مدام مره ثانيه قلت مابي مساعه تقولي بس مره والحين تقولين مره ثانيه ههههههههههههههه يعني خلاص يئست قلت لها مابي ادفع

تقولي يلا مدام بس الحيييييين وانا اصرخ اقول لها طلعييييييييييييييه وادفع الا الحمدلله يارب واخيرا طلع النونو سليم معافى يااارب وجبت ولد ولدت الساعه 9 وربع 😛

وربي يهون عليكم ياارب ويرزق كل المحرومين بالذرية الصالحه

وهذي قصتي مع ولدي ربي يحفظه

وربي يسهل عليكم وعقبال عندكم