عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم
شخباركم فراشات ان شاء الله بخير
اليوم صارلي موقف 
الصراحة وايد ضاق خلقي كنا معزومين عزيمة عند أهلنا و راكبين السيارة مع حماتي و خواتها الثانيات و ضيعت بالمنطقة فتوترت ➡
ولدي عمره سنتين قاعد يلعب و يحط ايده بشاشة الي يحطون فيها افلام كارتون فرفعت صبعه مرتين عن الشاشة فقام يصرخ شوي يعني مو صوت عالي
و الاخت تطلع حرتها بولدي جان تصرخ و تقول
بس ازعاج ودي احطك بجيس و اقطك بره
انا صرت جذي 😳 و شوي وابجي و من غبائي الزايد ما رديت عليها
و الصراحة هذي مو اول مرة بالعيد صار موقف فتحت على رجل ولدها الباب و قالت و لا يهمك حبيبي اقط و لدها من الدريشة بس انت لا تبجي !!!!!!!!!!!
طبعا انا رحت و بجيت في غرفتي و زوجي عصب علي و قال انتي سخيفة الاخ مكبر عقله يعني
انا الي قهرني انه ولدها صغير الله لا يقول يطبق الكلام الي امه تقوله
و الله انا رادة الحين البيت و حدي محترة
