حلى ستايل

مساء الخير لأحلى فراشات
أمس كان عندنا عزيمة وسويت حلى عجب الضيوف لان شكله على السفرة طالع حلوووو
” على فكرة سهل وما يكلف وقت “
المقادير :
كب كيك وأنا أفضل لوزين
2 دريم ويب
1 قشطة
1 حبه جبن مثلثات
شوي حليب بارد شوي مو تكثرون
أناناس مقطع إللي في علب
فسدق مجروش خشن
أصابع رينجو

الطريقة :
أول شي تحظرين الكريمة ” الدريم ويب والحليب والقشطة والجبنة ” تخلطينها بخفاقة الكيك لين تنفش وتصير كريمة ماسكة
وبعدين فرغين الكب كيك من الوسط بملعقة صغيرة حقت الشاي بس لا توصلين لقاعدة الكيك يعني حفرة بسيطة بعدها حطي الأناناس بعد تقطيعه صغار وإذا بغيتي أي نوع من الفواكهة ومعها مكسرات ثم زينيها بالكريمة وأخر شي رشي فسدق واغرسي أصابع رينجو
طبعا عدد الكيك حسب الأشخاص أنا حطيت 18 حبة كب كيك
إن شاء الله يعجبكم أنا أخذته من وحدة وجربتة عالطول ظبط معي