حلى القبعات

السلام عليكم ..

اليوم جايبة لكم حلا

بسيييييييييييط جداً ولا يبي شغل ....

(يعني حلا عجازات )بالاصح وحلو شكله ..

[

هذي صورة الحلا النهائية ..

المقادير :
علبة حليب نستلة
علبة قشطة
6علب الي فيها 6حبات بسكوت أوريو نفس الي بالصورة
6 حبات جبن كيري
شرائط ستان اصغر شي
مقياس العلاج أو الملعقة الي تجي مع حليب الاطفال
[

تفكين الأوريو وتشيلين الخلطة البيضاء الي فوقه بعدين الاوريو نفسه تقسمينه قسمين قسم منه تطحنينه والقسم الثاني يكون كااامل ما تكسر ..
بعدين تعجنين البسكوت المطحون مع علبة قشطة ..
و تحطين بالخلاط جبن كيري وحليب نستلة
تحطينه بالمقاس وتجوفينه ...
وتحطين جواته الخلطة البيضاء (جبن الكيري والنستلة )
وتسكرينه من فوق ..وترى مو لازم تحطين كيس أو سلفان بس اضغطي المقياس ضغطتين ثلاث وهو طالع لك ..
بعدين حطيه على الأوريو الي كاملة

[

واربطي الشريطة عليه (للتزيين )

وبعدين هذا شكل نهائي ثاني ..