عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاته
كل عام وانتم بخير ياأحلى منتدى 😥
وتقبل الله منكم ومنا صالح الأعمال
طبقي اليوم الي نقلته قمه في الروعه وبشهاده كل من ذاقه عندي بصراحه انصحكم تجربوه بأنفسكم وتخبروني أرائكم لانه بجد يستحق التجربه
وكل من قلت له ان اساس هذا الحلى هو (( التوست )) ما يصدقوني
المقادير …..
كيس توست
3 ملاعق كاكاو بودره
3 استكانات سكر بودره
3 استكانات ماء
بيضه
نصف اصبع زبده
الحشوة ..
ظرف دريم ويب
علبه قشطة
++ جوز هند للتغطية ++
الطريقة….
نقطع اطراف التوست اذا كان فيه او نجيبه جاهز بدون اطراف
انا قطعت اطرافه
وبعد ما نقطع الجزء البني نجيب استكانه ونعمل دوائر مثل ما هو موضح وكل شريحه بريد تعمل لنا دائرتين
ونضعها جانبا ونغطيها عشان ما نتشف في هالوقت بالنحضر الحشوه والتغطيه
والحشوه نخلط الدريم مع القشطة
والتغطيه نضع الكاكاو والسكر والماء والبيضه والزبده في الخلاط ونخلطهم وبعدها نضعهم على النار لمده 10 دقائق ونرفعهم من على النار
واللحين نبدي نحشي الدوائر نحط الحشوه ونغطيها بدائره ثانية بهذا الشكل
بعدها نحطها بالتغطية بهذا الشكل
ونقلبها على الطرف الثاني
والمرحلة الاخيره نضع القطعه في جوز الهند ونغطيها بهذا الشكل
ونضعها في الثلاجه لمده بسيطه لانها تأكل باردة والطعم خيااااااااااااااااال
واللي تجربها بتدعيلي لانها ما تتفوت بصراحه وقمه في اللذة وبصراحه طعمها كأنه كيك مو توست وهذا السر فيها
اتمنى يعجبكم طبقنا اليوم 😈
