عالم البنات النسائي كل ما يخص المرأة العربية من ازياء وجمال والحياة الزوجية والمطبخ
بسم الله الرحمن الرحيم
أنا كتبت هالرؤيا من قبل بس كانت مو مستوفية الشروط عشان كذا ما فسرتوها
لكن الحين بكتبها كاملة وبالتفصيل الممل اللي ما ذكرته في الحلم السابق
هالحلم كونه يتكرر فهو يجيني في كذا وقت يعني حسب موعد النوم , حالتي الدينية عادية
وعزباء وطالبة جامعية وموظفة في نفس الوقت >>> وتركت الوظيفة من فترة بسيطة
حالتي قبل النوم عادية وما افكر بشي يضايقني والعادة اقرا قران او كتاب قبل النوم
الحلم هو:
اني اكون بعرس او قصر افراح وامي ترقص ( مرة وحدة كانت ترقص وفي باقي الاحلام ما رقصت ) وأنا اقولها يا امي عيب اقعدي ولما يروح الوقت اقولها مشينا خلينا نروح تخليني اروح لوحدي مشي على البيت والقصر بنفس الحي مو بعيد مرة عن بيتنا ( مع العلم ان هالقصر الحين انهدم وحطوا مكانة مجموعة مكتبات )وفجأة القى نفسي في الشارع بدون عباية , وهالشارع زحمة مرة وكله دكاكين وأسواف وأنا احاول اتخبى عشان عيب وحرام اني امشي بالشارع كذا وما ادري وين اتخبى وبعدين اوقف عند خباز واشتري فطير وداخله جبن ابيض وآكله بالمحل ولما اخلص امشي بالطريق وأحس اني اعرف الطريق وبنفس الوقت مضيعته وآخر شي يجي صاحب محل عبايات مصري وعنده لحية ويعطيني عباية ويقولي البسيها بس الغريب ان العباية فيها تطريز عند الاكمام وهو ملتزم ومطوع ( يعني غريبة مطوع ويعطيني عباية مطرزة)
آآآآآآه لو ما حلمت بهالحلم احلم اي حلم ثاني مفاده اني في شوارع أعرفها لكني مضيعة الطريق
