حلم .. خير يارب … لا لا لا دي حقيقة .. افيدوني

السلا م عليكم يا احلى فراشات

امبارح حصلت لي حاجة غريبة جدا وعايزة اخد رايكم فيها وياريت لو حد فيكم يعرف حد متخصص يسالي ويجزيه الله الخير عني
من امبارح وانا حالي متلخبط

كنت نايمة في امان الله بالليل وفجأة لاقيت وكأن اضاءة الغرفة بقت لونها اصفر وفتحت عيني لاقيت حاجات وكانها ناس بس احجامها كبيرة ( ما كنتش مفسرة فيهم اي تفاصيل ) رفعو من على الغطاء وجايين ياخدوني ومسكو ايديي وقوموني معاهم
برقت عيني وقولت لهم كده خلاص محدش رد علي وقمت معاهم في قمة الاستسلام وفضلت اردد الشهادة لحد ما مشو وانا صحيت من النوم لاقتني نايمة زي ما انا والاوضة ضلمة زي ما هي بس جسمي كله منمل وقلبي واقع وزي ما كانو ما سكني من ايدي وبيقوموني جسمي كانه مسحوب ومنمل من فوق لتحت بس انا تفكيري ساعتها ان ده هو الموت ودول ملايكة الموت وجايين ياخدوني

افيدوني ايه اللي انا شفته ده بس والله كانه حقيقي
لدرجة اني دلوقتي خايفة ادخل انام .. وطول النهار النهاردة بعيط وخايفة