حلمت بتوأم و…..

السلام عليكم ورحمة الله وبركاته..
انا من 3 ايام حلمت اني ببيت اهلي وكأني ولدت واللي ولدتني هي امي وجبت بنت وولد (مع العلم اني حامل بشهرين) وكنت اطالع فيهم على سريرين جنبي واقول لأمي هذولا مو أولادي شكلهم كبار يعني ب3 أو 4 شهور قالت امي الا عيالك وانا اللي ولدتك بنفسي قلت طيب ياامي ماأحس كأني ولدت يعني ماكأني مريت بولاده قالت الا ولدتي بس ماحسيتي بشي يوم طلعو كنتي مخدره ..قالت امي انتبهي للبنت لاتطيح من السرير وقالت اسمها ندى وكأنها تحركت لحد ماطاحت وجيت شلتها بسرعه وسميت عليها وبكت شي بعدين قعدت تغاغي وتضحك وجيت رضعتها من صدري ويوم شبعت رجعت شوي حليب وجيت امسح فمها وحسيت ان عندها سن قلت لأمي عندها سن صغير غريبه توها مولوده كيف.؟؟قالت امي عادي حتى ولد خالتك يوم انولد كان عنده اسنان (وهذا صحيح)وهي بحضني تبولت علي ونزل عالسرير وغرق المكان كله قالت امي معليش بنغير المرتبه ..
والولد مامسكته الا شوي بالحلم ورضعته وكان اسمه بالحلم مازن وشكله اصغر من البنت…وانتهى الحلم
ارجو منك تفسيره وجزاكي الله كل خير