حلمت اني راكبه حصان

جزاك الله خير على كل المجهود اللي تسوينه

حبيت اطرح رؤياي و ان شاء الله القى لها تفسير عندك

اولا انا عمري 21 سنه متخرجه من ثانوي و في البيت ما كملت و عازبه و حالتي الدينيه عاديه رأيت الرؤيا اليوم الصباح تقريبا الساعه 10 صباحا

الرؤيا هي

رأيت اني كنت ببيتنا و اختي الكبيره عندنا هي و عيالها و انا و امي كنا عند باب الشقه و كنت انا اغرف مويا و امي تتكلم مع جارتنا و جيت انا بصب المويا في علبه فيها صابون و جات امي قالت لي انتبهي جيت وخرت من العلبه و حطيت خرطوم مويا في علبة الصابون و امتلت العلبه مويا و قلت لامي عبيتها و امي عاديه ما قالت لي شي و كل شوي اقول لاختي وين ولدك تقولي جوا شوي دخلت داخل البيت لقيت ولد بالحمام و كان ما فيه ملابس بالمره و شوي انتقل الحلم الى مكان فيه سور و بحر و انا كنت راكبه حصان و امشي فوق السور و الوقت كان زي المغرب كان ليل مافي شمس و لون الحصان كانه بني و شعره اسود و في حصانين تانيه بس مدري مين كان راكبها و الحصانين يمشون بالبحر و انا اقول امي الحصان يقدر يمشي بالبحر تقولي ايوا وكنت اكلم امي بس ما كنت شايفتها شوي و احد من الاحصنه اللي بالبحر دخل داخل البحر و طلع كمل سباحه و مشينا و وصلت لبيت فله و كنت فرحانه و مبتسمه و دخلت لغرفه نوم كانت صغيره و مكركبه مو مرتبه و جات وحده ما اعرفها بس كانت تقولي ادخلي تفضلي جيت قلت لها انتي لا تدخلين الغرفه صغيره و في بالي انها حامل عشان كذا قلت لها لا تدخلين و بس هذي هي الرؤيا و ان شاء الله خير يارب

و اكون شاكره لك و داعيه لك