عالم البنات النسائي كل ما يخص المرأة العربية من ازياء وجمال والحياة الزوجية والمطبخ
انا متزوجة لي 3 شهور وما حملت لحد الان .. وحالتي وقت الحلم كانت عاديه .. والحالة الدينيه نص ونص وكان وقت الحلم الصباح رمضان..
حلمت اني بمكه ودي اعمل عمره وكان معايا اخواتي احنا اربعه وفي وحده زميلتي بالعمل .. وكنا نفكر نعمل عمره بسرعه قبل الزحمه.. والمكان كان اشبه بمدرسه يعني مبنى دورين وفي النص كانت الكعبه موجوده وهما نزلو سبقوني عشان يطوفو وانا نزلت بعدهم ولقيت انه الكعبه ماهي موجوده والي فيه فقط القاعده حقتها وسمعتهم يقولو انه الكعبه بيصلحوها عشان كدا شالوها وانا كملت طواف. وبعدها صحيت..وولا كنت خايفه او اني شايله هم بس شكل المكان مختلف عن الحرم..
حالة اخواتي الكبيره متزوجه وعندها بنت والحاله الدينيه كويسه
اخواتي الباقيات غير متزوجات
وزميلتي بالعمل امراه كبيره بالسن وعندها احفاد كمان بس كانت مره تعبانه قبل فترة ..
هذي مو اول مره احلم بالكعبه ..
مره حلمت اني اطوف بالكعبه وفي حول الكعبه زي النبع ماء وقعدت اشرب منه.. وكنت مبسوطه جدا بالحلم داه ما اعرف حسيته خير
ومره حلمت اني اصلي التراويح بالحرم المكي وفيه مطر.وكان شكل المطر مره حلو وغزير.
يارب تقدري تفسري لي الحلم
