حفلتي الرومنسيه للعيد تعالو خذو افكار ماتكلف((بالصور))

كل عام وانتو بخير ولو متاخره

ابي منكم دعوه من القلب بظهر الغيب ان الله يسخر زوجي ويخليه ينجن علييي

سويت لسريري ستاره من قماش التل وهو مايكلف طبعا بس شكلها طلع حلو مره ومرتب وزينتها ببعض الاغراض الي بستايل شاينيز(صيني ) <<<مثقف الاخت ❗ اخترت اللون السكري واللون الاحمر ((للرومانسيه))

وعلقت قدام السرير ورد (صناعي) بس شكله حلووو
اهو كان مجموعه بس انا فصلت كل وحده عن الثانيه

وعلقت كل وحده بخيط من السقف

والستاره ركبتها لي اختي لاتنسونها من الدعاء بعد
جننتنا واحنا نركبها بالصمغ المسدس 😥 كذا انا اسميه مادري شنو اسمه هههههههه

وهذي صوره للغرفه من ناحيه اخرى

واذ1 لاحظتو حطيت في السقف صورة محروسي

مكبره صوره له عشان اول ماافتح عيوني من النوم اتصبح بوشوو خخخ 😆 🙄
والسرير حطيت عليه شموع الصغار حطيتها في صحون حقين اكواب الشاي الي يجون شفافين

عشان لايحترق المفرش وحطيت الكيكه على شكل قلب:)خذتها من ارياف

ووراهم الهديه
وهذي صوره للسرير عن قرب 😆 🙄

وهذي صوره للهديه والكيكه
الهديه كان ثوب رجالي مفصلته لزوجي

حطيت على الكيكه الشمعه الي تفرقع يبيعونها في بو ريالين
😆 🙄 تزينت طبعا
😳 واستشورت الشعر

ولبست فستان ستايل ((شاينيز)) 💡 مصممه على هالكلمه ههههه

وحطيت في ارضيه الغرفه بلونات لونها احمر
وبس

تعبت وانا احمل الصور ابي ردود سنعه 😥
عشان اتحمس احط فكرتي الثانيه (غرفتي غابه)
هذي اول مره احط صور لاتفشلوني

ولاتنسوني من الدعاء الله يسخرلي زوجي ويجعلني قره عينه