عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم ورحمة الله وبركاآآآآآآتهـ
صباح / مساء
الورد والجوري والياسمين والكادي على الجميع
او نزفر من ها الزفرات:P اللي تعور القلب
طيب وش الحل عيوني مستبعده شئ اسمه نوم والوحده ذابحتني
مافي احد جالس معي
واللي عندهم دوامات لازم ينامون عشان يصحصحون للدوام والمشكله ان مافيهم نوم…!
الحل سهل
انكم تقولون اعوذبالله من الشيطان الرجيم بصوت مسموع شوي
وبعده ترحون للمغسله وتشغلون المويه وتقولون بسم الله
وانتبهوا اذا كنتوا بتتوضّون في الحمام اكرمكم الله لاتتلفظون بالتسميه
قولوها في قلوبكم بسس واستشعروا وانتوا تتوضون ان ذنوبكم تطيح
مع المويه
بعدها قولوا اشهد ان لاأله الا الله وان محمدآ رسول الله
وبعد خلوها بصوت مسموع شوي
وبعدها روحوا افرشوا السجاده وخلّوا قلوبكم تكون
حاضره قبل ماتنطقون بأي حرف واقروا بصوت مسموع شوي
عشان ماتفتحون للشيطان مجال انه يخرب جوكم الأيماني
وبعدها صلوا اي عدد كان حسب المقدره
بس اهم شئ أوتروا يعني اختموا بركعه وحده
بعدها ارفعوا يدينكم وقولوا لله اي شئ مضايقكم
اي شئ في بااااااااااااااااالكم
قال تعالى( انما اشكوا بثي وحزني الى الله)
يوم نبي الله يعقوب حزن وش قال …؟؟؟
قال انما اشكوا بثي وحزني الى الله وربي فرج همه وابدل حزنه فرحآ
واقر عيونه بشوفة نبي الله يوسف عليهم السلام
وبعدها اختموا دعائكم بالصلاه على الرسول صلى الله عليه وسلم
وبعدها استغفروا الله لايقل عن مئة مره
عشان تكتبون من المستغفرين بألاسحار
بعدها افتحوا المصحف واقروا ماتيسر لكم ويفضّل سورة الملك
لانها تنجي من عذاب القبر اذا قرأت قبل النوم
بعدها اطووا السجاده روحوا الى السرير وانفضّوا الغطا
وبعدها قولوا اذاكار النوم واللي مايعرفها يكتب في قوقل اذكار
النوم وتطلع له
بعدها ناموا على جنبكم اليمين
وقولوا توكلت على الحي الذي لايموت واستدفعت الشر بلا حول مني ولاقوه
خلاص وكّلوا امركم لخالقكم وتوكّلوا على الله حق التوكّل
واحلام سعيـــــــــــده ^ـ^
وصدقوني بتكون احلى نومه نمتوها في حياتكم
واذا استمريتوا عليها ان شاء الله ماراح يجيكم ارق
لاتنسوني من دعائكم اختكم في الله
أصـــال
