عالم البنات النسائي كل ما يخص المرأة العربية من ازياء وجمال والحياة الزوجية والمطبخ
وموضوعي قد يكون مضمونه ومغزاه مكرر.. لكن أنا طلعت كوم كووووم كان بقلبي لسنين…وحسيت انه قبل أيام فاض بي الكيل!!!
لاني كنت بحفل زفاف..
وقلت لازم يا كندية تحطين الموضوع دحين وقته !!!
*******
عارفين اللحم المكشوف الي ينباع في السوق وكل الأيادي تلمسه؟؟؟
مدري ليه افتكرت ذا المنظر لمن جيت اكتب!!!
لأني فعلا شفت قدامي لحووووووم مكشفه !!!
الفرق إنها بشريه….
وحيه ترزق!!!!!!!!!!
لااااه وللأسف صار التكشف محل مباهاة في وسطنا النسائي!!!
(تكشفي أكثر تلفتين أكثررر!!!!!)
مع إنه ثلاثه ارباع الي ينظرون لها مو اعجاب لالالا……
الا انتقاص واحتقااار …!!! وخير ياطير؟؟!!
فرحانه عشان نص جسمك باين؟
بالأول شالو الأكمام…
قلنا ما عليه مع انه برضو تكشف…
ودحين…..!!!
حرام والله مقهورة بنفجررررر..
قبل عشر سنين كان عندي يذبحوني ذبح ولا إني ألبس لبس ماله اكمام!
(أقصد العريان الي كتفه يكون عريض وينقصه الكم فقققققط!!)
والي تلبس كده كان الكل يشوفها ما تستحي ولا عندها أدب!!!!
لكن دحين..!!!!!!!!!!!!!!
صارت الي تلبس العريان هي أحسن وحده
هي المتسترة!!!!!! هي المحتشمه..!!! المؤدبة الي سترت نفسها واستحت تظهر جسمها!!!!!!!!!!!!!
أما عاد الفئة الثانية الي تسترت ولبست أكمام…..
نعم نعم؟ أكماااااااام؟ >> الظاهر ده المصطلح راح ينقرض لسا كمان شويه!!!!! 💡
المهم ذي الفئه عاد على جنب !!!
صارت خلاص معقدة !! ما تفهم بالمووضه ..رجعيه!!!
وغريييييبة!!!!!!!!
والله صدق رسولنا عليه الصلاة والسلام حين قال(( بدأ الإسلام غريبا وسيعود غريبا كما بدأ))
ليييه؟ لانه ظهر لبس أبشع وأقبح و.. أردأ!!
شالو الكم..بعدين الظاهر الكم الثاني ضايقهم فشالوه كمان!!!!
وصار اللبس (top) …..يعني بدون كم ولا حبال ولاشي..
دحين لساتنا نقووول ذيك ام العريان ما تستحي ما درينا انه بعد 10 سنين بتصير أحشم وحده!!!!!!!!!!
طيب.. سؤال شيب راسي وشغل فكري…
هالي تلبس (top) الحين..هل معناته انه بعد كم سنه بتكون هي أستر وأحشم وحده ؟؟؟!!!!!
لانه الظاهر انه اللبس كل ماله وهو من سيئ لأسوأ!!!
ياربي أجل إذا ذي بتكون متستره؟… كيف بيكون شكل اللبس وقتها!!!؟؟ والله ياخوووفي يطلع لبس ما يستر الا العورة!!!!!
حراام حرااام حرااااااااااام……!!
لمن أشوف ذي الي متكشفه قلبي يعورني!!
تعرفون منشفة الحمام؟ بالضببببببببببببببببط
من فوق الجسم كله باين!!لااااه واذا كان الكم طويل قصرت الفستان لفوق الركب !! فرحانه يختي؟ تورين االناس انه عندك رجووووول؟
كلنا طيب الحمد لله عندنا مثل ما عندك!!!
لااااه ومتعبه عمرها لابسه تحته شراب هيلاهوب شفاف قال ستر قال!!!
وان كان اللبس طويل كشفت من فوق!!!
ولا حول ولا قوة الا بالله….
وللأسف بدأ المظهر ده يصير شبه عادي عندنا!!!!
ماصرنا ننصح!!!!!!!!!!
هذا الأمر هو الي قواهم أكثر وقوى عينهم!!
وان حاولت وحده توجهها قد تقول لها بعين قويه:
انتي ياااهيييييه.. خليكي فحااالك!!!!!!
للأسف ما قواهم إلا سكوتنا..
وقد أهلك بنو اسرائيل تغاضيهم عن انكار المنكر!!!
قال تعالى((لعن الذين كفروا من بني اسرائيل على لسان داوود وعيسى ابن مريم ذلك بما عصوا وكانو يعتدون* كانوا لا يتناهون عن منكر فعلوه لبئس ما كانوا يفعلون ))
صارت الوحده فيهم تطلع بكل جرأة على الكوشه تتناقز وتطامر من أغنيه لأغنيه!!!!
واااثقه من نفسها لانها مالقت الي يردها والي لها عين تجي تكلمني!!!!!!!!!
صارت كلمتهم جاهزة ترد وما عليها……….
يا بنااااااااات والله نحن عندنا عقل والمفروض ناخذ من الموضه الي يناسبنا …
والي يخالف ديننا قدر أنمله.. براااااااااااااااا
شي محزن فعلا
بنات اعمارهم 15..16..17 مثل الورووووود
تلقاها ماشيه واللي مكشوف من جسمها أكثر من الي مغطى!!!!!! 😆 🙄
كيف هذي حتربي أجيااال؟
ما عرفو انه على قدر الحياء يكون الستر؟؟؟؟؟
ولكن للأسف مع الوقت كل مالها الاكمام تقصر..!!!!
طويله>>نص كم>> حبل>>>>> سلاامااات مافي كم!!!
والفستان من الركبه >> فوق شويه>>نص الفخذ بااين!!!!!
وهذا اللبس يمكن لو شافته صاحبته بس قبل 10 سنين..
كان قالت يالطيف هذا لبس يلبسوه؟!!!!!!!ومع الوقت والتدرج صار عادي عندها..أجل لوتشوف نفسها كيف كانت تلبس داك الوقت قبل سنيييييييين؟
أكيد حيكون وقتها لبسها زي المتخلفات_في حد نظرها_الي للحين
متحشمين !!!!!!!
وتقول خلاص الموضه كده!!!
ومرات ما يتلبس الكم الطويل الا عشان كان دارج موضه و حيزول الكم بزوال السبب!!!!!!!!!!!
صارت عبارة (الرجاء لبس الزي المحتشم)الي تنكتب في الكرت
زيها زي ممنوع اصطحاب الاطفال!!
مالها أي صدى يتردد في الأذن!!!!!!!!!
والمفروض زي ما توقف وحده تفتش جوالات وحدة ثانيه تفتش اللباس!!
محتشمه تفضلي… 
ولا ادخلي وطرحتك أوعبايتك على كتفك حسب درجه تكشف اللبس!!!!!!
والله هذا غيض من فيض والعبارات خانتني كثيييييييييير
ابغى أشوف رأيكم وردودكم…
ويا حبزااااااااا ياحبذا يكون
عدد المشاهدات = عدد الردووووود << أقول تحلمين
ومدري بيكون لي موضوع تاني ولا لأ ؟
برضو لمن أحس إنه حيكسر الدووونياااااااااا >> أقوووووووووول
بس حسيت اني شلت جبل من صدري لمن فضفضت لكم على الوضع المؤسف الي نشوفه في الأعرااااس…
هذا وسبحانك اللهم وبحمدك أشهد ألا اله الا انت استغفرك واتوب اليك….
😈 😡 ➡ ➡ ➡ 😆 🙂
(((( بقلــم .. كنــــدية ,,,))))
بس حابة أقول إذا ما عليكم شرهه يالمشرفات ممكن تثبتون موزوووووعي
>>> مو كنك زودتيها؟؟
