عالم البنات النسائي كل ما يخص المرأة العربية من ازياء وجمال والحياة الزوجية والمطبخ
السلام عليكم..
من العنوان باين اني محبطة بصراحة حاسة نفسي قمة في الاحباط..
لما كنت حامل كان كل تركيزي على الحمل والولادة والاهتمام بالبيبي الجديد وبس …
بس طلع الموضوع اصعب من كدة بكتير لاني ماثقفت نفسي ابدا في امور النفاس والوحدة اش يسير فيها وقت النفاس..
ابغى نصايحكم انا لية 24 يوم والدة وبصراحة ماعندي وقت اني ادور في النت عن الاشياء الي لازم اسويها وانا نفاس ابغاكم تقولولي اش اهم الاشياء الي المفروض اسويها؟؟؟؟
انا اشرب مجلب وهو عبارة عن خلطة من الاعشاب اجيبها من العطار هي مخصوصة للنفاس..
وفي وحدة ممرخة تمرخني كل نهاية اسبوع بس بصراحة مابأربط بطني لانو مااقدر اجلس بالرباط طول اليوم لانو مايساعد وقت الرضاعة .. احس انو سار عندي كرشة مدري كيف تروح.. 😆 🙂 😀 😈
الله يخليكم ساعدوني..
