حسبي الله ونعم الوكيل

لاوغير كذا بناتها مايحترموني ولاكأني مرة عمهم نكون نتناقش انا وأمهم في موضوع ونمزح يهبوا علي كلهم

قدام امهم بلا حياء اوحشيمة كاني اختهم الصغيرة وأمهم ماتقول لهم عيييييب تضحك كأنه شي عادي

وانا من جهتي أعدي المسائل واقول معليش

المهم السالفة حصل بيني وبين سلفتي موقف أباكم تحكموا ياخواتي لاني مالي غير الله ثم انتم 😀
في البداية بعلمكم اننا ساكنين في عمارة وحدة يعني شقتي فوق شقتها
————

قبل فترة تعبت ورحت المستشفى وبعد اجراء الفحوصات والتحاليل قالت لي الدكتورة انت محتاجة نقل دم …..
لاني حامل ومعي ضعف في الدم واضطر زوجي واخوي يتبرعوا لي (الله يحفظهم لي )

وتنومت في المستشفى وتم نقل الدم الحمد لله والله لايوريكم مكروه بعد نقل الدم جتني دوخه وتعب الحمد لله على كل حال (قالت لي الدكتورة هذا شي طبيعي لانه الدم بدأ يتفاعل مع الجسم)

المهم يابنات

خرجت من المستشفى ثاني يوم رجعت البيت واول ماوصلت … أرسلت لي بنتها الصغيرة 7سنوات

تلعب مع عيالي وتعرفوا عاد لما يتجمعو العيال مع بعض الازعاج اللي يحصل وغير كذا كل واحد يجي يشتكي من الثاني ياماما ما يلعبوني …
ياماما دوري وما خلوني العب …..
ياماما……ياماما ………ياماما

انا طفشت مايكفي اني تعبانة وكمان ازعاج والله اني مدوخه ماني قادرة ارفع راسي من الفراش

قلت لهم اسمعوا الناس بعد الغداء يرتاحوا ويناموا وانتم يالله كل واحد يمسك له فراش وينسدح عليه ….انت ياولدي تعال نام هنا وانت يابنتي تعالي نامي هنا وانت يافلانه(يني بنتها) تعالي هنا انسدحي…
قالت بنتها لاانا بروح البيت ….(لحد هنا انا غلطانه والا لا)

شويه ….

تتصل بي سلفتي واستلمتني
تقول : ليش ماتبغي بنتي؟ متى عاد تبغيها وانا ساكته مارديت عليها (يعني المفروظ تفهم وتقدر تقول عيب الحرمة جاية من المستشفى تعبانه المفروض ماأرسل بنتي تزعجهم) صح والا لا
مع العلم ان بنتها يوميا تجي تلعب مع عيالي وعمري ماقلت شي ……تلعب من الظهر الين العشاء تطفش تروح

المهم انا شرحت لها اللي صار
وقلت لها :اني مدوخه وتعبانه وهم عاملين ازعاج وانا ابغى ارتاح وشرحت لها كل شي

ردت علي وقالت :انا سألت بنتي وقالت انه ماهم عاملين ازعاج (يعني مكذبتني ومصدقة بنتها الصغيرة يعني بنتها ما تكذب) لاحول ولاقوة الابالله…………
لا و الادهى من كذا انها متهمتني اني طردت بنتها وطولت المشكلة وعرضتها (حسبي الله ونعم الوكيل) والمشكلة كمان بنتها انكرت اني قلت لها تعالي انسدحي هنا مع عيالي والله والله اني عاملتها زي عيالي

ما طردتها .. زي ما اتهمتني( والله على ما أقول شهيد)

هذا اللي صار وانا والله زعلت لانه اولا: ماقدرت ظروفي وقالت عيب الحرمة تعبانه
ثانيا : كذبتني انا الكبيرة ومصدقة بنتها
وثالثا: اتهمتني اني طردت بنتها وفوق كذا طولت المشكله وعرضتها وكبرتها ومسويه نفسها زعلانه وقلبت السالفة
مع انه المفروظ انا اللي ازعل مو هي

ودحين لنا شهر على السالفة هذي وهي مقاطعتني ولاتكلمني
ولو جوني ضيوف اقول لها وما تجي