حسبي الله ونعم الوكيل على العالميه

كيفكم يافراشات
انا بقول لكم شي اتمنى الكل يتعظ منه بس ممكن البعض يقول انتي اهملتي الموضوع ممكن بس مو ذنبي انا بس حتى المعهد نفسه يتحمل المسؤليه بقو لكم قصتي بأختصار
انا درست في معهد العالميه وشديت حيلي مررره لانهم قالو اللي تجيب ممتاز تتوظف عندنا او ندبرها بوظيفه وتخرجت عام 2004 وبتقدير ممتاز على الوعد بس بعد التخرج ادور وظيفه لمدة سنتين مالقيت ياناس ياعالم وحده معها دبلوم تقنية برمجه بإمتياز ما القى وظيفه هذا معقول وين اول اللي معه حاسب علطول يتوظف حتى ما يدوور .. الشركه تدوره المهم قلت يابنت الناس دقي على المعهد اسأليه وعلى فكره هذيك الايام كان فيه اختبار شامل بس ما اعرف وشو وسألت الموظفه اذا فيه وظايف قالت الاسئلة المعتاده وش شهادتك وش خبرتك قلتلها طيب فيه حل عشان تصير الفرص اكثر قالت كثري دورات … وش رايكم هذي اخليها ترد على الناس تلقى معها ثانوي ” ترى ما اقصد احد انا اتكلم عنها ياما ناس ما معهم شهاده بس ذرابه وسنع “
الزبده انصدمت لما كلمت معهد عشان وظيفه قالوا : يااختي شهادتك معتمده من وين قلت من جامعة الملك سعود قالت مو معتمده لازم وزارة التعليم او كلية خدمة المجتمع او …. شي ثالث ما اذكره ..
طبعا جاني احباط وتحسفت على شدة الحيل اللي راحت هباَ منثورا
بس يوم بحثت بالنت لقيت شي اسمه اختبار شامل وكأني حسيت اني لازم اسويه عشان تنختم الشهاده وتصير معتمده
( اسفه طولت عليكم بس محترررررررررررررررررره )
طلب صغير اذا وحده تتكرم وتفيدني عن الاختبار الشامل اكثر وهل يفيد في حالتي اكون شاكره لها من كل قلبي….. مزعجه ادري بس والله ابي اتوظف وش اسوي اعذروني